ကရင်ငြိမ်းချမ်းရေးကောင်စီ ၁၁ဦး လာရောက်လက်နက်ချဟု နအဖ သတင်းဖော်ပြ

စောသိန်းမြင့် (ကေအိုင်စီ)

ဗိုလ်မှူးချုပ် စောထင်မောင်ဦးစီးသည့် KNU/KNLA တပ်ဖွဲ့မှ တပ်ဖွဲ့ဝင် ၁၁ဦးသည် ပြီးခဲ့သည့် တနင်္ဂနေ့က နအဖ စစ်အုပ်စုထံ သို့ သွားရောက် လက်နက်အပ်နှံခဲ့သည်ဟု ယနေ့ထုတ် စစ်အစိုးရ၏ ကြေးမုံသတင်းစာတွင် ဖော်ပြထားသည်။

KNU/KNLA ငြိမ်းချမ်းရေးကောင်စီမှ စောကျော်ကျော်ထက်ဦးစီးသည့် အင်အား ၁၁ဦးသည် ကာဘိုင် ၂လက်၊ ၉-မမ ပစ္စတို ၁ လက်၊ ကိုးလုံးကျည် သေနတ်ရှည် ၁လက်၊ ကိုးလုံးကျည် သေနတ်တို ၁လက်၊ လက်ပစ်ဗုံး ၁လုံး၊ ကျည်အိမ်မျိုးစုံ ၃ခု၊ ကျည် မျိုးစုံ ၂၉တောင့်၊ လမ်းလျှောက်စကားပြောစက် ၃လုံးနှင့်အတူ အရှေ့တောင်တိုင်း စစ်ဌာနချုပ် နယ်မြေအတွင်းသို့ ဒီဇင်ဘာလ ၂၆ရက်နေ့တွင် လက်နက်အပ်နှံခဲ့သည်ဟု ကြေးမုံသတင်းစာတွင် ဖော်ပြပါရှိသည်။

သို့သော် ထိုသတင်းဖော်ပြချက်မှာ နအဖ စစ်အစိုးရ၏ လိမ်လည်ဖော်ပြခြင်းသာဖြစ်ပြီး စောကျော်ကျော်ထက် ဆိုသူသည် ကရင်ငြိမ်းချမ်းရေးကောင်စီအဖွဲ့ဝင်တဦး မဟုတ်ကြောင်း ကရင်ငြိမ်းချမ်းရေးကောင်စီ၏ ပြောရေးဆိုခွင့်ရှိသူ ဒေါက်တာစောတီ မသေက ယခုလို ကေအိုင်စီကို တုန့်ပြန်ပြောကြားသည်။

၎င်းက“ကျနော်တို့လူတွေ တယောက်မှ လက်နက်သွားအပ်တာ မရှိပါဘူး။ စောကျော်ကျော်ထက် ဆိုတာကလည်း အရင်က ဒီကေဘီအေ တပ်ဖွဲ့ဝင်တဦးဖြစ်တယ်။ သူတို့(နအဖ)ဆီကို အရင်က လက်နက်တခါ သွားအပ်လိုက်ပြီးပြီ။ အရပ်သားတဦးအ နေနဲ့ပဲ ပြန်နေတဲ့လူတယောက်ဖြစ်တယ်။ ဒါဟာ နအဖ လုပ်ဇာတ်ထွင်လိုက်တာပဲ။”ဟု ပြောသည်။

နအဖစစ်အစိုးရက ယခုလို သတင်းထုတ်ပြန်ရေးသားခြင်းသည် KNU/ KNLA ကရင်ငြိမ်းချမ်းရေးကောင်စီအဖွဲ့၏ နာမည်ကို ဖျက်ချင်သောကြောင့် တမက်သက်သက် လုပ်ဆောင်လုပ်ခြင်းဖြစ်သလို မမှန်ကန်သည့် စစ်အစိုးရ၏ ၀ါဒဖြန့်လုပ်ရပ်တခုသာ ဖြစ်ကြောင်း စောတီမသီက ဝေဖန်ထောက်ပြလိုက်သည်။

စောကျော်ကျော်ထက်ဦးစီးသည့် ၎င်းငြိမ်းချမ်းရေးကောင်စီ အဖွဲ့ဝင် ၁၁ဦးသည် မည်သည့်နေရာတွင် အခြေချလှုပ်ရှားပြီး မည် သည့်တပ်ရင်း၊ တပ်ခွဲမှ တပ်ဖွဲ့ဝင်များဖြစ်ကြောင်း နအဖသတင်းစာက အသေးစိတ် ဖော်ပြခြင်း မရှိပေ။

ထို့အပြင် ဒီဇင်ဘာလ ၂၂ရက်နေ့ကလည်း ကရင်ပြည်နယ် သံတောင်မြို့နယ် ဘောဂလိကြီးမြို့နယ်ခွဲ မောင်းတိုင်ကြီးကျေးရွာ မှ ယာဉ်မောင်း ဦးအောင်အောင် မောင်းနှင်လာသော ယာဉ်တစီး မိုင်းတလုံးနင်းမိ၍ ယာဉ်မောင်းသူနှင့် ယာဉ်နောက်လိုက် ၃ဦးတို့ ထိခိုက်ဒဏ်ရာရခဲ့ပြီး အလားတူ ဒီဇင်ဘာ ၂၄ရက်နေ့တွင်လည်း ပဲခူးတိုင်း ရွှေကျင်မြို့ အရှေ့တောင်ဘက် ၁၀မိုင်ခန့် တွင် အရပ်သား ၂ဦး မိုင်းနင်းမိ၍ တဦးသေဆုံးခဲ့သည်မှာလည်း ကေအဲန်ယူမှ ထောင်ထားသည့် မိုင်းဗုံးများကြောင့်ဖြစ်ကြောင်း ကြေးမုံသတင်းစာတွင် ဖော်ပြခဲ့သည်။

ထို့ကော်ကိုးကျေးရွာ အခြေစိုက် KNU/KNLA ငြိမ်းချမ်းရေးကောင်စီသည် ယခင် ကေအဲန်ယူ တပ်မဟာ(၇)မှူးဟောင်း ဗိုလ်မှူး ချုပ်စောထင်မောင် ဦးစီးကာ ၂၀၀၇ခုနှစ်၊ ဖေဖော်ဝါရီလတွင် နအဖစစ်အစိုးရနှင့် ငြိမ်းချမ်းရေးယူခဲ့သော်လည်း နယ်ခြားစောင့် တပ် အသွင်ပြောင်းဖွဲ့စည်းရေးကို ငြင်းဆန်ထားသည့် အပစ်ရပ်တဖွဲ့ဖြစ်သည်။

၎င်းအပြင် စစ်အစိုးရနှင့် ၃နှစ်ကျော်ကြာ ငြိမ်းချမ်းရေးယူခဲ့သည့် ကရင်ငြိမ်းချမ်းရေးကောင်စီအဖွဲ့၏ အဖွဲ့ဝင် ၇ဦးကို ပြီးခဲ့သည့် နိုဝင်ဘာ ၃၀ရက်နေ့က မြ၀တီခရိုင်၊ ဖလူးကျေးနယ်တွင် နအဖတပ်ဖွဲ့ဝင်များက ဖမ်းဆီးသတ်ဖြတ်ခဲ့သည်။

လှိုင်းဘွဲ-ကော့ကရိတ် ကားလမ်းသစ် ဖောက်လုပ်ရေးစီမံကိန်းတွင် ဥယျာဉ် ခြံနှင့် လူနေအိမ်များ ဖျက်ဆီးခံရ

နန်းထူးစံ (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ်မှ ကော့ကရိတ်မြို့နယ်ကို ဖောက်လုပ်လျှက်ရှိသည့် ကားလမ်းအသစ် စီမံကိန်းကြောင့် လမ်းတစ် လျှောက်ရှိ ကျေးရွာများမှ ဒေသခံများ၏ ဥယျာဉ်ခြံများနှင့် လူနေအိမ်များ ဖြိုဖျက်ခံလိုက်ရသည်ဟု ဒေသခံများ၏ ပြောပြချက်များ အရ သိရသည်။

အဆိုပါကားလမ်းကို လှိုင်းဘွဲမြို့နယ် ထီလုံကျေးရွာအနီးရှိ နအဖ ခမရ(၂၀၃)တပ်ရင်းနေရာမှ စတင် ဖောက်လုပ်ခြင်းဖြစ်ပြီး ယခု အချိန်တွင် လမ်းကြောမှာ ထီလုံရွာနှင့် ဒညင်းကုန်းကျေးရွာကို ကျော်လွန်နေပြီဖြစ်သည့်အတွက် ၎င်းရွာများမှ လူနေအိမ်များမှာ ဖြို ဖျက်ပြောင်းရွှေ့လိုက်ရကြောင်း ကိုယ်တိုင် မြင်တွေ့ခဲ့သူတစ်ဦးက ယခုလို ပြောသည်။

သူက “ဒီလမ်းဖောက်ဖို့အတွက် မိုးကုန်ကတည်းက အိမ်တွေဖျက်နေရတာ။ ရွာထဲကို လမ်းကြောဖြတ်သန်းခံရတဲ့ ရွာတွေက နေအိမ်တွေ အများကြီး ဖြိုဖျက်ခံရတယ်။ ထီလုံကုလားစုမှာတော့ အိမ် ၂၅လုံး ဖျက်ရတယ်။”ဟု ဆိုသည်။

ဖြိုဖျက်ခံရသည့် လူနေအိမ်များထဲတွင် တိုက်အိမ်များ၊ ပျဉ်ထောင်အိမ်များကဲ့သို့သော အိမ်ကြီးအိမ်ကောင်းများ ပါဝင်ပြီး အိမ်ပိုင်ရှင် များမှာ ထိုင်းနိုင်ငံတွင် အလုပ်လုပ်ကိုင်နေသည့် သားသမီးများမှ ငွေပို့ကာ ဆောက်လုပ်ထားခြင်းဖြစ်သည့်အတွက် ထပ်မံ ဆောက် လုပ်ရန် မတတ်နိုင်ကြောင်း အမည်မဖော်လိုသူ အိမ်ရှင်တစ်ဦးက ယခုလို ပြောသည်။

“အိမ်တချို့ဆိုရင် သားသမီးတွေက ထိုင်းနိုင်ငံမှာ ကျွန်အဖြစ် အလုပ်လုပ်ပြီး ရှိစုမဲ့စု ငွေလေးနဲ့ အိမ်ဆောက်ကြတာ။ တချို့အိမ်ဆို အိမ်ဆောက်တာ အကြွေးတောင် မကျေသေးဘူး။ ဒီလို အိမ်အဖျက်ခံရတော့ တချို့အိမ်ရှင် အမျိုးသမီးတွေဆိုရင် မျက်ရည်မျက် ခွက်ပဲ။ အိမ်ဖျက်ခံရတဲ့ လူတွေကတော့ တော်တော် စိတ်ထိခိုက်ကြတယ်။”ဟု သူက ပြောသည်။

အကျယ် ပေ ၂၄၀၊ အရှည် ၅၇မိုင်ရှိသည့် အဆိုပါလမ်းမှာ လှိုင်းဘွဲမြို့နယ်ရှိ ထီလုံ၊ ဒညင်းကုန်း၊ မီးသွေးဖို၊ ကော့ပေါ၊ နောင်ဘိုရွာ ကြီးနှင့် ကော့ကရိတ်မြို့နယ် မြပဒိုင်ရွာမှ အောက်ဘိုတဲအထိ ကျေးရွာပေါင်း ၂၀ကျော်ကို ဖြတ်သန်းသွားသဖြင့် လူနေအိမ်များအ ပြင် ဥယျာဉ်ခြံများလည်း လမ်းနေရာအဖြစ် သိမ်းဆည်းခံလိုက်ရပြီး ခြံပိုင်ရှင်များကိုယ်တိုင် မိမိတို့၏ ဥယျာဉ်ခြံပင်များကို ခုတ်လှဲ ပေးရကြောင်း သိရသည်။

လက်ရှိအချိန်တွင် မြေလမ်းအကြမ်းသာ ဖောက်လုပ်နေဆဲဖြစ်သည့် ၎င်းလမ်းကို ရွှေကဆုန်ကုမ္ပဏီက တာဝန်ယူထားရပြီး ဆက် လက်၍ ကျောက်ခင်း၊ ကတ္တရာခင်း လုပ်ငန်းများကိုမူ အခြားကုမ္ပဏီများက လာရောက်လုပ်ဆောင်သွားမည်ဖြစ်ကြောင်း ပုဂ္ဂလိက ပိုင် ရွှေကဆုန်ကုမ္ပဏီမှ လမ်းအင်ဂျင်နီယာတစ်ဦးက ပြောသည်။

အဆိုပါအင်ဂျင်နီယာက “လမ်းက အာရှလမ်းမတော့ မဟုတ်သေးဘူး။ လမ်းစီမံကိန်းကို ၂၀၁၀ခုနှစ် ဇူလိုင်လက စတင် ရေးဆွဲ ထားတာ။ လမ်းကြောမှာထိတဲ့ အိမ်တွေ၊ ခြံတွေနဲ့ ပတ်သက်လို့ အစိုးရအာဏာပိုင်တွေနဲ့ပဲ ဆိုင်ပါတယ်။ ကျနော်တို့က ကန်ထရိုက် ယူတာပဲ။”ဟု ပြောဆိုသည်။

ထိုလမ်းစီမံကိန်းနှင့် ပတ်သက်၍ ကရင်ပြည်နယ် ဆောက်လုပ်ရေးရုံးကို ကေအိုင်စီမှ ဆက်သွယ်မေးမြန်းရာ ရုံးဝန်ထမ်းတဦးက “ကျနော်တို့ကတော့ လူထုတွေ သွားလာရေး လွယ်ကူအောင် ဖောက်လုပ်ပေးတာပါ။ လမ်းက မပြီးသေးပါဘူး။ ဘယ်အချိန် လောက် ပြီးမယ်ဆိုတာ ကျနော်လည်း အတိအကျ မသိဘူး။ ကျနော်တို့ကတော့ ဆောက်လုပ်တဲ့အပိုင်းနဲ့ပဲ ဆိုင်တယ်။ ရွာသူရွာ သားတွေရဲ့ ခြံ၊ အိမ်တွေ ဆုံးရှုံးတဲ့ကိစ္စက ဒေသခံ အာဏာပိုင်တွေနဲ့ပဲ ဆိုင်တယ်။”ဟု ပြန်လည်ဖြေကြားခဲ့သည်။

သို့သော် ဒေသခံအာဏာပိုင်များအနေဖြင့် ပျက်စီးဆုံးရှုံးသွားသည့် ရွာသူရွာသားများ၏ ခြံများ၊ အိမ်များ၏ တန်ဖိုးကို ပြန်ပေးရန် ယခုအချိန်ထိ ညှိနှိုင်းဆောင်ရွက်မှု တစုံတရာ မလုပ်သေးသည့်အပြင် လမ်းဖောက်လုပ်ရေးအတွက် ဒေသခံများက လုပ်အားပေး နေရသည်ဟုလည်း သိရသည်။

ကရင်ငြိမ်းချမ်းရေး ကောင်စီအဖွဲ့ဝင် ၆ဦး နအဖ ဖမ်းမိ၊ တဦး ပစ်သတ်ခံရ

နန်းထူးစံ (ကေအိုင်စီ)

ကေအဲန်ယူ/ကေအဲန်အယ်လ်အေ ငြိမ်းချမ်းရေးကောင်စီ တပ်ဖွဲ့ဝင် ၆ဦးကို ယနေ့မနက်တွင် နအဖ စစ်တပ်မှ ဖမ်းဆီးလိုက်ပြီး ၁ဦးကို ပစ်သတ်လိုက်သည်ဟု ကေအိုင်စီက စုံစမ်းသိရှိရသည်။

ယနေ့မနက် ၉နာရီကျော်အချိန်၌ ကရင်ပြည်နယ်၊ မြ၀တီခရိုင်ရှိ ဖလူးကျေးရွာနှင့် မနီးမဝေး ပလောတပို့ဒေသတွင် လှုပ်ရှားသည့် ဗိုလ်တဲခီး ဦးစီးသော ငြိမ်းချမ်းရေးကောင်စီတပ်ဖွဲ့ကို နအဖ စစ်ကြောင်းက ၀ိုင်းမိပြီး ပစ်ခတ်ခဲ့ခြင်းကြောင့် ၁ဦး ကျဆုံးကာ ၆ဦးမှာ အရှင်ဖမ်းဆီးခံလိုက်ရခြင်း ဖြစ်သည်။

ကေအဲန်ယူ/ကေအဲန်အယ်လ်အေ ငြိမ်းချမ်းရေးကောင်စီအဖွဲ့မှ ဗိုလ်မှူးချုပ်အဆင့်ရှိသူ စောတီမသီက “ဒီမနက် ကျနော်ကြားတာ က ဗိုလ်တဲခီးရဲ့ တပ်ဖွဲ့ဝင် ၆ဦးကို နအဖ စစ်တပ်က ဖမ်းဆီးတယ်။ ၁ဦးကို ပစ်သတ်လိုက်တယ်လို့ ကြားတယ်။ ဒါပေမယ့် အသေး စိတ်တော့ မသိသေးဘူး။”ဟု ကေအိုင်စီကို အတည်ပြု ပြောဆိုသည်။

ဖလူးဒေသတွင် လှုပ်ရှားနေသည့် ကေအဲန်အယ်လ်အေ တပ်ဖွဲ့ဝင်တဦးက “အခု နအဖတွေက ဝေါ်လေကို တက်ဖို့လေ။ သူတို့ တက်လာတဲ့ လမ်းတလျှောက်မှာ သေနတ်လိုက်ပစ်တယ်။ ဖလူးအပေါ်ဘက် ပလောတပို့မှာ သူတို့(ငြိမ်းချမ်းရေးကောင်စီအဖွဲ့)ကို စစ်တပ်က တွေ့ပြီးတော့ ၀ိုင်းလိုက်တာလို့ ကျနော်ကြားတယ်။ အဲဒီမှာရှိတဲ့ သူတို့အဖွဲ့က လူနည်းတယ်လေ။”ဟု ပြောသည်။

လက်ရှိအချိန်တွင် ဖလူးဒေသ၌ နအဖ စကခ(၈)လက်အောက်ခံ ခလရ(၆၂) လှုပ်ရှားလျှက်ရှိပြီး ထိုတပ်ရင်းသည် နိုဝင်ဘာ ၂၄ ရက်နေ့က ဝေါ်လေဒေသသို့သွားရန် ဖလူးကျေးရွာတွင် ရောက်ရှိနေပြီးဖြစ်သော်လည်း ရှေ့ဆက်သွားမည့် လမ်းကြောင်းများကို ဒီကေဘီအေတပ်နှင့် ကေအဲန်အယ်လ်အေတပ်ဖွဲ့များ ပိတ်ဆို့ထားခြင်းကြောင့် ဝေါ်လေလမ်းကြောများကို လက်နက်ကြီးများဖြင့် လိုက်လံပစ်ခတ်လျှက်ရှိကြောင်း အဆိုပါကေအဲန်အယ်လ်အေတပ်သားက ပြောသည်။

ယင်းသို့ ဖမ်းဆီး၊ ပစ်သတ်ခံရသည့် ငြိမ်းချမ်းရေးကောင်စီ တပ်ဖွဲ့ဝင်ထဲတွင် ဗိုလ်တဲခီး ပါဝင်ခြင်း မရှိသလို ထိုအဖွဲ့၏ ဥက္ကဌ ဗိုလ် ချုပ်စောထင်မောင်နှင့် ဗိုလ်ချုပ်စောရင်နုတို့ကို ဆက်သွယ်မရခဲ့ပေ။

ဝေါ်လေဒေသတိုက်ပွဲ ဆက်လက်ဖြစ်ပွား

စောသိန်းမြင့် (ကေအိုင်စီ)

ကရင်ပြည်နယ် ဝေါ်လေဒေသတွင် နအဖနှင့် ကရင်တပ်ဖွဲ့တို့ကြား ပြီးခဲ့သည့် နိုဝင်ဘာလ ၂၆ရက်နေ့ညက စတင် ဖြစ်ပွားခဲ့ သည့်တိုက်ပွဲသည် ပစ်လိုက်ရပ်လိုက်ဖြင့် ယနေ့အချိန်ထိ ဆက်လက်ဖြစ်ပွားနေဆဲ ဖြစ်သည်ဟု သိရသည်။

ဒီကေဘီအေ ကလိုထူးဘောဗျူဟာ (၁)စစ်ဆင်ရေးမှူး ဗိုလ်မှူးစောဆန်းအောင်က “ဖလူးမှာ မနေ့ညကတည်းက လက်နက် ကြီး လက်နက်ငယ်တွေနဲ့ ပစ်လိုက်ရပ်လိုက် အပြန်အလှန် ပစ်ခတ်ကြတယ်။ ဒီမနက် မိုးလင်းတဲ့အထိပဲ။ နအဖဘက်က ကျ ဆုံးမှုကိုတော့ ကျနော်တို့ မသိသေးဘူး။ ကျနော်တို့ဘက်ကတော့ ထိခိုက်မှုမရှိဘူး။”ဟု ပြောသည်။

ထို့အပြင် ယမန်နေ့မွန်းလွဲ ၃နာရီခန့်တွင် ဖလူးကျေးရွာ၌ ကရင်တပ်ဖွဲ့နှင့် နအဖဘက်မှ ခမရ(၅၄၅)၊ (၅၄၇) ပူးပေါင်းတပ်ရင်း တို့ကြား ပစ်ခတ်မှုတကြိမ် ဖြစ်ပွားခဲ့ရာ နအဖဘက်က ၄ဦး ထိခိုက်သေဆုံးခဲ့သည်ဟု ဒီကေဘီအေဘက်က ပြောဆိုသော် လည်း ထိုနေ့ညနေ ၆နာရီခန့်တွင် မြ၀တီဆေးရုံသို့ နအဖ စစ်တပ်မှ လူနာ ဗိုလ်မှူး ၁ဦး၊ ဗိုလ် ၁ဦး၊ တပ်ကြပ်ကြီး ၁ဦးနှင့် တပ် သား ၄ဦး ရောက်ရှိလာသည်ဟု ဆေးဝန်ထမ်းနှင့် နီးစပ်သူတဦးက ပြောသည်။

ထို့အပြင် ယနေ့မနက် ၅း၅၅မိနစ်အချိန်တွင် ဝေါ်လေဒေသ နအဖစစ်တပ် စကခ(၈)လက်အောက်ခံ ဗျူဟာ(၃)အခြေစိုက်ရာ ဗျူဟာကုန်းတွင် ကရင်တပ်ဖွဲ့မှ ၁၀မိနစ်ခန့် သွားရောက်ပစ်ခတ်ခဲ့ရာ နအဖဘက်မှ ထိခိုက်သေဆုံးမှုကို မသိရှိရကြောင်း ဒီကေဘီအေ(၉၀၉)တပ်ရင်းမှူး စောစတီးက ပြောသည်။

ဖလူးကျေးရွာ ပစ်ခတ်မှုတွင် နအဖဘက်က စကခ(၁၂)လက်အောက်ခံ ခလရ(၆၁)၊ ခလရ(၂၃၀)၊ စကခ(၁၉)မှ ခမရ(၅၄၅)၊ (၅၄၇) စသည့်တပ်ရင်း ၄ရင်းမှ အင်အား ၃၀၀ကျော်ပါရှိပြီး ကရင်တပ်ဖွဲ့မှ ဒီကေဘီအေ ကလိုထူးဘောဗျူဟာနှင့် ကေအဲန် အယ်လ်အေတပ်ဖွဲ့တို့ ပူးပေါင်းတိုက်ခိုက်ခဲ့ခြင်း ဖြစ်သည်။

ထိုပစ်ခတ်မှုကြောင့် ဝေါ်လေဒေသ ဖလူးကြီး၊ ဖလူးငယ်နှင့် ကျောက်ခက် စသည့်ကျေးရွာများမှ ရွာသူရွာသား ၁,၀၀၀ကျော် ထိုင်းနိုင်ငံဘက်ခြမ်းသို့ ယာယီ ထွက်ပြေးခိုလှုံခဲ့ရပြီး ၎င်းတို့အား မဲဆောက်ရှိ မယ်တော်ဆေးခန်း ဦးဆောင်သော မြန်မာလူမှု ကယ်ဆယ်ရေးအဖွဲ့နှင့် ထိုင်းစစ်တပ်တို့မှ ကူညီစောင့်ရှောက်ပေးထားသည်ဟု သိရသည်။

ရွှေတူးလုပ်ငန်းကြာင့် ပျက်စီးသွားသည့် လယ်ကွင်းများတွင် သီးနှံများဖြင့် အစားထိုးစိုက်ပျိုး

စောခါးစူးညား (ကေအိုင်စီ)

ကရင်ပြည်နယ် ဖာပွန်နှင့် သထုံခရိုင်နယ်စပ်၊ ဒွယ်လိုးမြို့နယ်၌ ရွှေတူးခဲ့ခြင်းကြောင့် ပျက်စီးသွားခဲ့သည့် လယ်ဧက ၄၀၀ကျော် ကို ဒေသခံရွာသူရွာသားများက ပြီးခဲ့သည့် စက်တင်ဘာလနှောင်းပိုင်းနှင့် ယခု နိုဝင်ဘာလဆန်းမှစ၍ ဟင်းသီးဟင်းရွက်နှင့် သီးနှံပင်များဖြင့် အစားထိုး စိုက်ပျိုးခဲ့ကြသည်ဟု သိရသည်။

၎င်းတို့ အစားထိုးစိုက်ပျိုးသည့် သီးနှံပင်များမှာ နှမ်း၊ မုံလာ၊ မြေပဲ၊ ပဲတောင့်ရှည်၊ ပဲလုံး၊ ရုံးပတီ၊ ဗူး၊ ရွှေဖရုံ၊ သခွားနှင့် ဆေး ရွက်ကြီး စသည့်အပင်များဖြစ်ပြီး စားသုံးရန်နှင့် ရောင်းရန်အတွက် စိုက်ပျိုးခြင်းဖြစ်သည်ဟု ဒေသခံ ပြည်သူတစ်ဦးက ကေ အိုင်စီကို ယခုလို ပြောသည်။

သူက “လောလောဆယ် စားလို့ရတဲ့ သီးနှံနဲ့ အပင်တွေ ရှိသလို မရသေးတဲ့ဟာလည်း ရှိတာပေါ့နော်။ နှမ်းတို့လို မြေပဲတို့လို တော့ မရသေးဘူး။ ကျနော်တို့ ရွာသားတွေ စိုက်ပျိုးလို့ ထွက်တဲ့သီးနှံ တချို့ကို စားပြီး တချို့ ဘီးလင်းမြို့ဘက်ကို သွားရောင်း တယ်။ ရတဲ့ပိုက်ဆံနဲ့ ဆန်ပြန်ဝယ်စားတာ ရှိတယ်။ ဖူလုံမှုတော့ ဘယ်ရှိမလဲ။ မလုပ်တာနဲ့စာရင် တော်သေးတာပေါ့။”ဟု ပြော သည်။

ပြီးခဲ့သည့်နှစ် အောက်တိုဘာလ၌ ရွှေတူးကုမ္ပဏီများနှင့် ဒီကေဘီအေ တပ်မဟာ (၉၉၉)၊့ (၃၃၃)နှင့် (၆၆၆)လက်အောက်ခံ တပ်ရင်းများသည် ဖာပွန်ခရိုင်အတွင်းရှိ မယ်ကလယ့်လော်ချောင်းတွင် စတင်၍ ရွှေလာရောက်တူးဖော်ခဲ့ရာမှ ဧက ၄၀၀ရှိ လယ်ကွင်း ၈၅ကွင်း ပျက်စီးသွားခဲ့သည်။

၎င်းဒေသခံလူထုများ သီးနှံစိုက်ပျိုး၍ ရောင်းစားသော်လည်း မိမိတို့၏ စားနပ်ရိက္ခာ ၀ယ်ယူရန် လုံလောက်မှုမရှိသလို ထိုအခြေ အနေအတွက် မည်သို့ဖြေရှင်းရမည်ကို မစီစဉ်တတ်သေးကြောင်း ဖာပွန်ခရိုင် KNLA တပ်မဟာ(၅)၏ ရုံးထိုင်မှူး ဗိုလ်မှူးစော ကလယ်ဒို့က ပြောသည်။

ဗိုလ်မှူးစောကလယ်ဒို့က “မိုးတွင်းတုန်းက တချို့လယ်ကွင်းတွေဆို တောင်ယာစပါးလို စူးထိုးပြီး စိုက်တာရှိတယ်။ အဲလိုနည်းနဲ့ ပြန်စိုက်တာ လယ်ကွင်းတော့ ၃၀ကျော်တယ်။ ဧကအနေနဲ့တော့ မခန့်မှန်းတတ်ဘူး။ ဒါပေမဲ့ စပါးက သိပ်မသန်ဘူး။ နောက် စပါးပိုးကလည်းကျတော့ ဒေသခံတွေအတွက် စပါးက သိပ်မထွက်ဘူး။ ဒီစားနပ်ရိက္ခာနဲ့ ပတ်သက်ပြီး စိုးရိမ်စရာပဲ။ ဒီကိစ္စကို ဘယ်လိုဖြေရှင်းမလဲဆိုတာတော့ ကျနော်တို့ ဆွေးနွေးဖို့ အစီအစဉ် ရှိတယ်။”ဟု ပြောသည်။

ရွှေတူးကုမ္ပဏီများက လာမည့် ၂၀၁၁ အတွင်း ရွှေလုပ်ငန်းကို ထပ်မံ တိုးချဲ့ရန် ယခုလဆန်းပိုင်းတွင် လာရောက်ဆွေးနွေးမှုကို ဖာပွန်ခရိုင် ကရင်အမျိုးသားအစည်းအရုံး(KNU) က သဘောတူညီမှု မရှိခဲ့ပေ။

လက်ရှိ အဆိုပါဒေသတွင် အင်အား ၂၀၀ကျော်ရှိ စောဘို့လွဲ ဦးဆောင်သည့် နယ်ခြားစောင့်တပ် (၁၀၁၃)တပ်ရင်း လှုပ်ရှား လျှက်ရှိပြီး ရွာသူရွာသားများအား ရိက္ခာသယ်၊ သစ်ခုတ်၊ ၀ါးခုတ်နှင့် ဖက်ခုတ်ဖက်ကောက် စသည်တို့ကို လုပ်အားပေးခိုင်းစေ မှုများ ပုံမှန်ရှိသည်ဟု ဒေသခံလူထုများက ဆိုသည်။

ဗိုလ်မှူးကြီးစောကျော်သက် ဦးဆောင်ဒီကေဘီအေအဖွဲ့နှင့် နအဖတို့ရင်ဆိုင်တိုက်ပွဲဖြစ်ပွား

နော်အဲဏီ(နိုဝင်ဘာ-၃၀)။ ။ကရင်ပြည်နယ်မြ၀တီမြို့မှ (၃)မိုင်ခန့်အကွာတွင်ရှိသော ကဆောဝါးလေးတောင်ကုန်းတွင် စစ်အစိုးရ တပ်များနှင့် ကလို့ထူးဘောအခြေချ အမှတ်(၁)စစ်ဗျူဟာမှူး စောကျော်သက်ဦးဆောင်သော ဒီကေဘီအေ တပ်ဖွဲ့ တို့ နိုဝင်ဘာ(၂၉)ရက်နေ့လည်(၂)နာရီ(၄၁)မိနစ်အချိန် မိနစ်(၂၀)နီးပါးရင်ဆိုင်တိုက်ပွဲ ဖြစ်ပွားခဲ့သည်ဟု အမှတ်(၁) ဗျူဟာစစ်ဆင်ရေး ဒုတိယတန်းစစ်ဦးစီးမှူးဗိုလ်မှူးဆန်းအောင်ကပြောပါသည်။

ဒီကေဘီအေတပ်များနောက်သို့ လိုက်လံရှင်းလင်းနေသော မြန်မာစစ်အစိုးရတပ်ရင်းများဖြစ်သည့် ခလရ (၆၁)၊ ခလရ (၂၀၃) ခမရ (၅၄၇) အဖွဲ့နှင့်ထိပ်တိုက်ရင်ဆိုင်တိုက်ပွဲဖြစ်ပွါးခဲ့သည်ဟု ယခုလိုပြောပါသည်။

“ကျနော်တို့ ဗျူဟာမှူးစောကျော်သက်က သူ့လူချထားတဲ့တောင်ကုန်းတွေကို လိုက်ဆန်းစစ်တဲ့အချိန် မှာ ရန်သူနဲ့ပက်ပင်းတွေ့ပြီးတော့ မနေ့ကပစ်ခတ်မှုဖြစ်တယ်နော်။ မနေ့က(၂)နာရီနဲ့(၃)နာရီကြားမှာ ပစ်ခတ်မှု ဖြစ်တယ်နော်။ တွေ့ဆုံတိုက်ပွဲလို့ပြောရမယ်နော်”

အဆိုပါရင်ဆိုင်တိုက်ပွဲတွင်အားချင်းမမျှ၍ဆုတ်ခွါခဲ့ရပြီး အဆိုပါတိုက်ပွဲတွင် စစ်အစိုးရတပ်မှ(၄) ယောက် ထိခိုက်ဒါဏ်ရာရသည်ဟု ဒီကေဘီအေတပ်ဖွဲ့နှင့်နီးစပ်သူရွာသားတစ်ဦးကဆိုသည်။

ပြီးခဲ့သည့် စနေနေ့တွင် မြတီမြို့၏တောင်ဘက် (၆)မိုင်အကွာခန့်တွင်ရှိသည့် ဖလူးလေး။ ဖလူးကြီး ကျေးရွာ အနီးတွင် ဒီကေဘီအေတပ်မဟာ (၅)နှင့်စစ်အစိုးရတပ်တွေအကြား အပြန်အလှန်ပစ်ခတ်မှုကြောင့် နှစ်ဦးနှစ်ဖက် ထိခိုက်မှုရှိခဲ့သည်ဟုအမည်မဖေါ်လိုသူ ဒီကေဘီအေအရာရှိတစ်ဦးကပြောပါသည်။

“အဲဒီသုံးရက်တိုက်ပွဲမှာ ကျွန်တော်တို့ဘက်က(၂)ဦးဒါဏ်ရာရတယ်။ နအဖဘက်ကတော့(၂၀)နီးပါး ထိခိုက်ဒါဏ်ရာရတယ်လို့ကြားတယ်။ အသေအပျောက်တော့ အတည်ပြုလို့မရသေးဘူး။ နအဖကတော့ ရွာတွေ ဘက်ကိုဘဲ လက်နက်ကြီးတွေနဲ့ဦးတည်ပစ်နေတယ်။”

ဒီကေဘီအေနှင့် စစ်အစိုးရတပ်တို့ တိုက်ပွဲများကြောင့် ဖလူးလေး ဖလူးကြီး မင်းလက်ပံ အစရှိသော ကျေးရွာမှ ဒေသခံရွာသူရွာသား တထောင်နီးပါးခန့်သည် သောင်းရင်းမြစ်ကိုဖြတ်ပြီး ထိုင်းဖက်ခြမ်းကို ထွက်ပြေး လာခဲ့ရသည်ဟု မင်းလက်ပန်ရွာသားတစ်ဦးမှပြောပါသည်။

အဆိုပါစစ်ပြေးဒုက္ခသည်များကို ထိုင်းအာဏာပိုင်များနှင့် သက်ဆိုင်ရာအန်ဂျီအိုအဖွဲ့အစည်းများက မဲ့ကုတ်ကင်းရွာရှိဝှေ့မဟာဟုန် ဘုန်းကြီး ကျောင်းတွင် ယာယီဒုက္ခသည် စခန်းဖွင့်ထားကာ ကူညီစောင့်ရှောက်မှုပေးထားသည်ဟုသိရသည်။

ကရင်တပ်ဖွဲ့နှင့် ဖြစ်ပွားသည့် တိုက်ပွဲတွင် နအဖ ၃၀ဦးကျဆုံး

စောသိန်းမြင့် (ကေအိုင်စီ)

ကရင်ပြည်နယ်၊ ကော့ကရိတ်မြို့တောင်ဘက်ပိုင်းတွင် ကရင်တပ်ဖွဲ့မှ နအဖနှင့် နယ်ခြားစောင့်တပ်(BGF) ပူးပေါင်းတပ်တို့ကို ချုံခိုတိုက်ခိုက်ခဲ့ရာ နအဖဘက်မှ (၃၀)ဦး ကျဆုံးခဲ့ပြီး လက်နက် (၃၀)လက် ကရင်တပ်ဖွဲ့မှ သိမ်းဆည်းရမိသည်ဟု သိရ သည်။

ယမန်နေ့ နေ့လည်ပိုင်းတွင် ကော့ကရိတ်အခြေစိုက် နအဖ စကခ(၁၂) လက်အောက်ခံ ခလရ(၂၃၁)တပ်ရင်းနှင့် BGF (၁၀၁၆)တပ်ရင်းတို့ ပူးပေါင်းတပ်ဖွဲ့အား တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ) ကလိုထူး ဘောဗျူဟာ(၁)နှင့် ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်ရင်း(၁၈)တို့ပူးပေါင်း၍ ခုဒုံနှင့် အောင်လိုင်ကျေးရွာ ကြားတနေရာတွင် ချုံခိုတိုက်ခိုက်ခဲ့သည်ဟု ဒီကေဘီအေ ကလိုထူးဘောဗျူဟာ(၁) စစ်ဆင်ရေးမှူး G2 ဗိုလ်မှူးစောဆန်းအောင်က ယခုလို ပြောသည်။


၎င်းက “မနေ့က နေ့လည် ၁၂း၀၀နာရီအချိန်မှာ ခုဒုံနဲ့ အောင်လိုင်ကြားက တောင်ကြားတနေရာမှာ တက်လာတဲ့ နအဖနဲ့ BGF စစ်ကြောင်းကို ကျနော်တို့တပ်ဖွဲ့က အပိုင်နေရာယူထားပြီးတော့ စောင့်ပစ်တယ်။ အဲဒီမှာ နအဖနဲ့ BGF တွေရဲ့ အလောင်း ၃၀ နဲ့ လက်နက်အလက် (၃၀)ကို ကျနော်တို့ဘက်က ကောက်ရခဲ့တယ်။”ဟု ကေအိုင်စီကို အတည်ပြုပြောကြားသည်။

(ဝေါ်လေဒေသတွင် စစ်ရေးပြင်ဆင်နေသည့် ကလို့ထူးဘောဗျူဟာ တပ်ဖွဲ့ဝင်များ)

အဆိုပါ ချုံခိုတိုက်ပွဲတွင် ကရင်တပ်ဖွဲ့ဘက်ကလည်း ထိခိုက်ဒဏ်ရာရမှု အနည်းငယ် ရှိခဲ့ပြီး နအဖနှင့် BGF တို့ထံမှ 81၊ 82၊ RPG၊ M1၊ M2 စသည့်လက်နက်များ အပါအ၀င် ကျည်ဆံတချို့ကိုလည်း သိမ်းဆည်းရမိခဲ့သည်ဟု ဗိုလ်မှူးစောဆန်းအောင် က ပြောသည်။ ထို့အပြင် မြ၀တီခရိုင် ဝေါ်လေဒေသ၊ ဖလူးကျေးရွာတွင် ပြီးခဲ့သည့် နိုဝင်ဘာလ ၂၆ရက်နေ့ည (သောကြာနေ့)မှစ၍ ယနေ့အ ချိန်ထိ နအဖ စစ်တပ်နှင့် ကရင်တပ်ဖွဲ့ဝင်တို့ကြား အပြန်အလှန် ပစ်ခတ်ခဲ့ရာ နအဖဘက်က ၁ဦး သေဆုံးကာ ၂၅ဦးထိခိုက် ဒဏ်ရာရရှိခဲ့ပြီး ကရင်တပ်ဖွဲ့မှ ၁ဦး အနည်းငယ် ဒဏ်ရာရရှိခဲ့ကြောင်း သိရသည်။
ထိုပစ်ခတ်မှုများကြောင့် ဖလူးကြီး၊ ဖလူးငယ်၊ ကျောက်ခက်စသည့်ကျေးရွာမှ ဒေသခံ ကရင်ပြည်သူ ၁,၀၀၀ကျော် ထိုင်းနိုင်ငံ၊ ဖို့ဖရမြို့နယ်အတွင်းရှိ နယ်စပ်နေရာများသို့ ထွက်ပြေးခိုလှုံခဲ့ရသည်။
အလားတူ ဘုရားသုံးဆူမြို့နယ်ခွဲရှိ တဲသုံးလုံးနှင့် ဇီးပင်ကျေးရွာကြားတွင် နအဖ ခမရ(၄၁၀)နှင့် ဒီကေဘီအေ ဒုဗိုလ်မှူးကြီး စောအေ၀မ်းတပ်ဖွဲ့တို့ ပြောက်ကျားတိုက်ပွဲ ဖြစ်ပွားခဲ့ရာ နအဖဘက်မှ ၂ဦး ပွဲချင်းပြီး ကျဆုံးသွားခဲ့ကြောင်း သိရသည်။
နယ်ခြားစောင့်တပ် အမှတ်(၁၀၁၆)တပ်ရင်းကို ဦးစီးသူမှာ ဗိုလ်မှူးစောမြတ်ခိုင်ဖြစ်ပြီး ယခင် ဒီကေဘီအေ တပ်မဟာ(၉၉၉) လက်အောက်ခံ တပ်ရင်း(၃)၏ တပ်ရင်းမှူးဖြစ်သည်။

ဘုရားသုံးဆူဒေသတွင် တိုက်ပွဲထပ်မံဖြစ်ပွါးပြန်ပြီး

နော်အဲဏီ(နိုဝင်ဘာ-၂၉)။ ။ကရင်ပြည်နယ်၊ ဘုရားသုံးဆူမြို့နှင့်(၁၃)မိုင်အကွာ ကြိမ်ချောင်းမရောက်ခင် ဇီးပင်အရှေ့ တဲသုံးလုံးတွင် မြန်မာစစ်အစိုးရ ခလရ(၄၀၆)တပ်ရင်းနှင့် ဗိုလ်မှူးစောအေ၀မ်းဦးစီး ဒီကေဘီအေတို့ နိုဝင်ဘာလ (၂၈) ရက်နေ့ ညနေ( ၃) နာရီ(၁၀)မိနစ်အချိန်မှာ မိနစ်(၂၀)ခန့် တိုက်ပွဲဖြစ်ပွားခဲ့သည်ဟု ဒေသခံများမှပြောပါသည်။

စစ်အစိုးရတပ် ခလရ(၄၀၆)တပ်ရင်း အင်အား(၁၀၇)ယောက်နှင့် ခြုံခိုတိုက်ပွဲဖြစ်ပွားခဲ့ရာ မြန်မာစစ်တပ် ဘက်က တစ်ယောက်ကျဆုံးပြီး နှစ်ယောက်ဒါဏ်ရာရသည်ဟု ဗိုလ်မှူးစောအေ၀မ်းမှပြောပါသည်။

“နအဖတပ်နဲ့ကျွန်တော်တို့အဖွဲ့တွေ တဲ(၃)လုံးမှာပစ်ကြတယ်နော်။ (၁၅)မိနစ် မိနစ်(၂၀) လောက်ရှိတာပေါ့ တိုက်ပွဲ ဖြစ်တာ။ သူတို့ဘက်က တစ်ယောက်ကျဆုံးပြီး နှစ်ယောက်ဒဏ်ရာရတယ်။ အဲဒီ(၄၀၆)အဖွဲ့တွေပေါ့။ သူတို့ဟာ ရင်ဘောင်တန်းတက်ပြီးလာတယ်လေ။ ရွာမ၀င်ခင်မှာ ကျွန်တော်တို့ အဲဒီမှာပစ်ခဲ့တယ်။”

ဘုရားသုံးဆူမှ ခလရ(၄၀၅)နှင့်(၄၀၆)တပ်ရင်းနှစ်ရင်းသည် ကြိမ်ချောင်းသို့စစ်ချီတက်ရာတွင် တဲသုံးလုံး တွင်ရောက်နေသော ဗိုလ်မှူးစောအေ၀မ်းတို့က ကြိုတင်သတင်းရ၍ ချုံခိုတိုက်ခိုက်ခဲ့ခြင်းဖြစ်သည်ဟု ဆိုသည်။ ခလရ(၄၀၆)သည် ကြိမ်ချောင်းသို့ ခရီးဆက်ရန်အတွက် လူနာထမ်းရန် တဲသုံးလုံးတွင် ပေါ်တာများလိုက်လံ ဖမ်းဆီးနေသည်ဟု မော်တော်ဆိုင်ကယ်အငှါးမောင်းသူတစ်ဦးမှပြောပါသည်။

ယခုအနေအထား၌ ဘုရားသုံးဆူမြို့နဲ့ဝန်းကျင်ဒေသတွင် မြန်မာစစ်အစိုးတပ်မှ တပ်အင်အား(၅)တပ်ရင်းအားဖြည့်ထားပြီးခွဲထွက်သွားသည့်ဒီကေဘီအေတပ်နှင့်ကေအန်ယူခေါ် ကရင်အမျိုးသား အစည်းအရုံးတပ်ဖွဲ့များကိုလိုက်လံထိုးစစ်ဆင်နေသည့်အခြေအနေ ကြောင့်တိုက်ပွဲတွေထပ်မံပြင်းထန်လာဦးမည်ဟု ထိုင်းနယ်စပ် စစ်ရေးအကဲခတ်သူများမှပြောပါသည်။

တောတွင်းလက်နက်ကိုင်အဖွဲ့တွေအနေနဲ့လည်းတောတွင်းပျောက်ကြားစစ်ဆင်ရေးသာမက မြို့တွင်းပျောက်ကြားစံနစ်ပါ လုပ်ဆောင်လာ နိုင်မည့်အနေအထားမှာရှိသည့်အတွက်မြို့ခံပြည်သူများ၏လုံခြုံရေးအခြေအနေသည် အာမခံချက်မရှိနိုင်သေးသလို အကယ်၍တိုက်ပွဲပြင်းထန်လာလျှင်စစ်ပြေးဒုက္ခသည်များပိုပြီးတိုးလာမည့်အနေအထားမှာရှိ နေသည်ဟုပြောဆိုမှုများရှိနေပါသည်။

DKBA နှင့် KNU တပ်ဖွဲ့များက နအဖတပ် လာရာလမ်းကြောင်းတွင် ခြေကုပ်ယူထား

စောသိန်းမြင့် (ကေအိုင်စီ)

အင်အား ၁၀၀နီးပါးရှိ နအဖ တပ်ဖွဲ့ဝင်များသည် ကရင်ပြည်နယ် မြ၀တီခရိုင် ဝေါ်လေဒေသရှိ နယ်မြေခံတပ်များအား လစာလာ ပေးရန်အတွက် ယနေ့မနက် ရောက်ရှိလာရာ ၎င်းတို့လာရာ လမ်းကြောင်းများကို ဒီကေဘီအေနှင့် ကေအဲန်ယူတပ်ဖွဲ့များက ခြေ ကုပ်နေရာယူထားသောကြောင့် နအဖစစ်တပ်များ တက်လာရန် အခက်ကြုံနေရသည်ဟု သိရသည်။

ဒီကေဘီအေ (၉၀၉)တပ်ရင်းမှူး ဒုဗိုလ်မှူးကြီး စောစတီးက “အခု သူတို့ (နအဖ)ဖလူးရွာကို ရောက်ပြီးလို့ သိရတယ်။ တပ်ရင်းတစ် ရင်းပဲတဲ့။ အင်အား (၇၀-၈၀)ကျော်လောက် ရှိတယ်။ အခုသူတို့ လာမယ့်လမ်းကြောင်းတလျှောက်မှာ ကျနော်တို့လူတွေ အကုန် လုံး စောင့်နေတယ်ဆိုတော့ တက်လာဖို့ အခက်တွေ့နေတယ်။ ကျနော်တို့နယ်မြေထဲကို ၀င်လာရင်တော့ ထိပ်တိုက်ပဲ။ လမ်းအခြေ အနေကို ကြည့်ရင်းလာရတယ်ဆိုတော့ ဒီည သူတို့တပ်တွေ ရှိတဲ့နေရာကို ရောက်ချင်မှ ရောက်မယ်။”ဟု ပြောသည်။

ဝေါ်လေဒေသရှိ နအဖစစ်တပ် စကခ(၈)လက်အောက်ခံတပ်ရင်းများနှင့် တိုင်းတပ်များအား ထုံးစံအတိုင်း လမကုန်ခင် လစာလာ ပေးရန်အတွက် တနင်္သာရီတိုင်းအခြေစိုက် စကခ(၈) လက်အောက်ခံ ခလရ(၆၂)တပ်ရင်းသည် ဘုရားသုံးဆူမြို့နယ် သံဖြူဇရပ်မှ မြ၀တီသို့ ယမန်နေ့က ရောက်ရှိလာပြီး ယနေ့မနက်တွင် မြ၀တီမှတဆင့် ဝေါ်လေဒေသ ဖလူးကျေးရွာသို့ စစ်ကား ၃စီးဖြင့် ရောက် ရှိလာသည်ဟု ဒီကေဘီအေဘက်က ပြောသည်။

လက်ရှိအချိန်တွင် အဆိုပါ နအဖစစ်တပ်များ တက်လာနိုင်မည့်လမ်းကြောင်းများဖြစ်သော ပလောတပို၊ တခေါ်ထူ၊ ကျောက်ခက်၊ ဘလယ်ဒို၊ သေဘောဘိုး၊ လေးဝေါ်၊ ဆုံဆည်းမြိုင်၊ အူကလေ့ထာ့စသည့်နေရာများတွင် ကေအဲန်အယ်လ်အေနှင့် ဒီကေဘီအေ တပ်ဖွဲ့ဝင်များ ၀င်ရောက်နေရာယူထားပြီးဖြစ်ကြောင်း သိရသည်။

ဝေါ်လေဒေသတွင် နအဖစစ်တပ်မှ လှုပ်ရှားတပ်များဖြစ်ကြသော စကခ(၈)လက်အောက်ခံ ခမရ(၄၀၁)၊ (၄၀၄)၊ (၄၀၉)တပ်ရင်း များနှင့် တိုင်းတပ်မှ ခလရ(၉၇)တပ်ရင်းတို့သည် ယခုလို ၀င်ရောက်လာသော ခလရ(၆၂)တပ်ရင်းအတွက် လုံခြုံရေးယူပေးနိုင်ခြင်း မရှိကြောင်း ကေအဲန်အယ်လ်အေ တပ်ရင်း(၂၀၁)မှ တပ်ကြပ်ကြီး စောထီးခုက ယခုလို ပြောသည်။

“ဒီမှာရှိ နအဖ လှုပ်ရှားတဲ့တပ်တွေက လှုပ်ရှားတပ်ပဲ အမည်ခံပဲဖြစ်နေတယ်။ တချိန်လုံး စခန်းထဲမှာပဲ ပုန်းအောင်းနေတယ်။ သူတို့ အတွက်လည်း သူတို့က လုံခြုံရေးယူထားရတယ်ဆိုတော့ အခု တက်လာတဲ့ တပ်ရင်းကို ဘယ်လိုလုပ်လာပြီးတော့ လုံခြုံရေးလာ ယူပေးနိုင်မှာလဲ။”ဟု ကေအိုင်စီကို ပြောသည်။

ဝေါ်လေဒေသ ဘုရင့်နောင်ကုန်း၊ ကနဲလေး၊ မောခီးတို့တွင် လှုပ်ရှားနေသော နအဖ စကခ(၈)နှင့် တိုင်းတပ်မှ တပ်ရင်းများသည် ယခုလဆန်းပိုင်းက နအဖနှင့် ဒီကေဘီအေ တပ်ဖွဲ့တို့ကြား အပြန်အလှန် ပစ်ခတ်မှုဖြစ်ပွားခဲ့ပြီးနောက်ပိုင်း ထီးတပလယ်ကျေးရွာ တောင်ကုန်းရှိ ခလရ(၉၇)တပ်ရင်းသည် ရိက္ခာပြတ်လပ်မည့် အခြေအနေတွင် ရှိသည်ဟုလည်း သိရသည်။

ဗိုလ်မှူးကြီးစောကျော်သက်ထံပူးပေါင်းသူ၏ မိသားစုနှင့် ကျေးရွာဥက္ကဌကို မြ၀တီမြို့တွင်ဖမ်းဆီးထာ

နော်အဲဏီ(နိုဝင်ဘာ-၂၄)။ ။မြ၀တီခရိုင် နယ်ခြားစောင့်တပ်ရင်း(၁၀၁၇) ဝေ့ဆန်းကျေးရွာတွင်စခန်းချနေသည့် ဒုတပ်ကြပ်ဒိဒိ ဦးဆောင်တပ်ဖွဲ့မှ တပ်သားစောကျောဘလားသည် နိုဝင်ဘာလ(၂၂)ရက်နေ့တွင် နယ်ခြားစောင့်တပ်ကိုလက်မခံသော အမှတ်(၂)ဗျူဟာမှူး ဗိုလ်မှူးကြီးစောကျော်သက်ထံသို့ (M-၁၆) တစ်လက်နှင့်အတူ ၀င်ရောက်ပူးပေါင်းခဲ့သည်ဟု အမှတ်(၂)ဗျူဟာ ဒီကေဘီအေ အရာရှိတစ်ဦးမှပြောပါသည်။

အမှတ်(၂)ဗျူဟာမှူး ဗိုလ်မှူးကြီးစောကျော်သက်ထံ ၀င်ရောက်ပူးပေါင်းခဲ့သည့်အပေါ် နယ်ခြားစောင့် တပ်ရင်း (၁၀၁၇) မှ ဒုတပ်ကြပ်ဒိဒိနှင့်အဖွဲ့မှ ပေါင်းလောင်းကျေးရွာနေ တပ်သားစောကျောဘလား၏ဇနီးနှင့်သားသမီးနှစ်ဦးကို ထိုနေ့၌ပင် ဖမ်းဆီးထားပြီး မြ၀တီမြို့ရှိ (၉)ဂိတ်တွင် ချုပ်နှောင်ထားခဲ့သည်။

ကျောဘလား နေထိုင်ရာ ပေါင်းလောင်းကျေးရွာဥက္ကဌ မောင်သောင်းတင်ကိုလည်း ဒုတပ်ကြပ်ဒိဒိ တပ်သားများသွားရောက်ဖမ်းဆီးပြီး (၉)ဂိတ်၌ပင် ချုပ်နှောင်ထားခဲ့သည်ဟု ဒီကေဘီအေတပ်ဖွဲ့ဝင်များနှင့် နီးစပ်သူတစ်ဦးမှ ပြောပါသည်။

ဒုတပ်ကြပ်ဒိဒိမှနေ တပ်သားကျောဘလားယူဆောင်သွားသော (M-၁၆)သေနတ်တစ်လက်၏တန်ဘိုးကို အစား အလျှော်ပေးမှ ဖမ်းဆီးထားသောလူများကို ပြန်လွတ်ပေးမည်ဟု တပ်သားကျောဘလား မိသားစုဝင် တစ်ဦးမှ ပြောပါသည်။

အမှတ်(၂)ဗျူဟာမှူး ဗိုလ်မှူးကြီးစောကျော်သက်ဦးဆောင်သော ဒီကေဘီအေတပ်ဖွဲ့သည် စစ်အစိုးရ တိုက်တွန်း ထားသည့် နယ်ခြားစောင့်တပ်ဖွဲ့ကိုလက်မခံသည့်အပြင် အထွေထွေ ရွေးကောက်ပွဲကို ဆန့်ကျင်သည့်အနေနှင့် နိုဝင်ဘာ လ(၇)ရက် နေ့တွင် မြ၀တီမြို့ကိုဝင်ရောက်စီးနင်းသိမ်းပိုက်ခဲ့သည်။

မြ၀တီမြို့ခံစစ်ပြေးဒုက္ခသည်သောင်းနှင့်ချီ၍ ထိုင်းနိုင်ငံ ဘက်ခြမ်းသို့ခိုလှုံနေခဲ့ရသည်။ ယခုအချိန်တွင် မြ၀တီမြို့ကိုစစ်အစိုးရနှင့် ဒီကေဘီအေနယ်ခြားစောင့်တပ်တို့ ထိမ်းချုပ်ထား သော်လည်း ဝေါ်လေဂွင်ဘက်တွင် တိုက်ပွဲဖြစ်ပွါးမှုရှိနေသည်ဟု မဲ့လက်ပန်ရွာသားတစ်ဦးမှပြောပါသည်။

Follow

Get every new post delivered to your Inbox.

Join 25 other followers