ရေအားလျှပ်စစ် စီမံကိန်း ၂ ခု အေးရှားဝေါလ်နှင့် တရုတ်တို့ တွဲလုပ်မည်

ရွှေလီ (၂) နှင့် ဘီးလင်း ရေအားလျှပ်စစ် စီမံကိန်းများကို ပြည်တွင်းမှ အေးရှားဝေါလ် ကုမ္ပဏီနှင့် တရုတ်နိုင်ငံမှ ကုမ္ပဏီတခုတို့ ပူးပေါင်း အကောင်အထည် ဖော်မည်ဖြစ်ကြောင်း သိရသည်။

အေးရှားဝေါလ် ကုမ္ပဏီနှင့် တရုတ်နိုင်ငံမှ Huaneng Lancang River Hydropower Co.,Ltd. တို့ ပူးပေါင်းကာ အမှတ် (၁) လျှပ်စစ်စွမ်းအား ဝန်ကြီးဌာနအတွက် ရွှေလီ (၂) စီမံကိန်းကို JV/B.O.T စနစ်နှင့် လုပ်ကိုင်ရန် သဘောတူစာချွန်လွှာနှင့် ဘီးလင်း စီမံကိန်းကို B.O.T စနစ်ဖြင့် လုပ်ကိုင်ရန် နားလည်မှု စာချွန်လွှာများကို နိုဝင်ဘာ ၂၅ ရက်နေ့က ရေးထိုးကြကြောင်း စစ်အစိုးရပိုင် သတင်းစာများတွင် ဖော်ပြထားသည်။

“လက်ရှိအချိန်မှာ နားလည်မှုစာချွန်လွှာပဲလက်မှတ်ထိုးထားတာ ရှိပါသေးတယ်။ ဘယ်ရက်မှာ စာချုပ်ချုပ်ဖြစ်မယ် ဆိုတာကတော့ မပြောနိုင်သေးပါဘူး။ အထက်လူကြီးတွေ စီစဉ်ဆောင်ရွက်နေပါတယ်” ဟု အေးရှားဝေါလ်ကုမ္ပဏီမှ ရေအားလျှပ်စစ် စီမံကိန်းလုပ်ငန်း တာဝန်ရှိသူတဦးက ဧရာဝတီသို့ပြောသည်။

စက်တပ်ဆင်အင်အား ၅၂၀ မဂ္ဂါဝပ်ရှိမည့် ရွှေလီ (၂) ရေအားလျှပ်စစ် စီမံကိန်းမှာ မိုးမိတ်မြို့အနီးတွင်တည်ရှိပြီး ရွှေလီ (၃) ရေအားလျှပ်စစ် စီမံကိန်းကိုလည်း အကောင်အထည် ဖော်နေကြောင်း သိရှိရသည်။

အကောင်အထည် ဖော်ပြီးသော ရွှေလီ (၁) ရေအားလျှပ်စစ် စီမံကိန်းသည် ရှမ်းပြည်မြောက်ပိုင်း နမ့်ခမ်းမြို့နှင့် ၁၇ မိုင်အကွာတွင် တည်ရှိကာ နှစ်စဉ် ၄၀၃၃ ဂဂ္ဂါဝပ် (Gwh) ထုတ်လုပ်နိုင်မည်ဖြစ်ပြီး ယင်းစီမံကိန်း တခုတည်းအတွက် အမေရိကန် ဒေါ်လာ ၁၈၅ သန်း ကုန်ကျခဲ့သည်ဟု သိရသည်။

ရွှေလီအမှတ် (၁) ရေအားလျှပ်စစ် စတင်ဖွင့်လှစ်ချိန်က မြန်မာနိုင်ငံဘက်သို့ ဓာတ်အားထုတ်ပေးခြင်းမရှိခဲ့ဘဲ တရုတ်နိုင်ငံသို့ ဦးစွာ ဖြန့်ဖြူးပေးခဲ့ကြောင်း ဒေသခံများက ပြောသည်။

ရွှေလီ (၁) မှ ဖြန့်ဝေသော လျှပ်စစ်မီးသည် မီးအားပြည့်သော်လည်း ပုံမှန် မလာခြင်း၊ ဈေးနှုန်းကြီးမြင့်ခြင်းတို့ကြောင့် လျှပ်စစ်မီးနှင့် အလုပ်လုပ်သူများ အနေဖြင့် လုပ်ငန်း မတွင်ကျယ်ကြောင်း ဒေသခံလုပ်ငန်းရှင်များက ဆိုသည်။

အေးရှားဝေါလ်ကုမ္ပဏီသည် ကချင်ပြည်နယ် ပူတာအိုမြို့၌ တည်ဆောက်နေသော ချီဖွေငယ် ရေအားလျှပ်စစ် စီမံကိန်းကိုလည်း တရုတ်နိုင်ငံမှ CPI Yunnan Internatinal Power Investment Co.,Ltd နှင့် ပူးပေါင်းကာ အကောင်အထည်ဖော် ဆောင်ရွက်လျက်ရှိနေသည်။ ယင်းစီမံကိန်းမှာ မေခ၊ မလိခနှင့် ဧရာဝတီမြစ်ဝှမ်း ရေအားလျှပ်စစ် စီမံကိန်းတွင် ပါဝင်ပြီး နှစ်စဉ်ပျမ်းမျှ လျှပ်စစ်ဓာတ်အား ကီလိုဝပ်ပေါင်း ၅၉၉ သန်း ထုတ်လုပ်နိုင်မည်ဟု ဆိုသည်။

မေခ-မလိခ မြစ်ဆုံစီမံကိန်း၊ ဟတ်ကြီး၊ တာစန်း၊ ဘီလူးချောင်း စသည်ဖြင့် တခြားသော ရေအားလျှပ်စစ် စီမံကိန်းကြီးများတွင် ပုဂ္ဂလိက ကုမ္ပဏီများ ပါဝင်ဆောင်ရွက်မည့် အနေအထားရှိကြောင်းလည်း သတင်းရရှိသည်။

အမေရိကန်ဒေါ်လာ ၁၀ ဘီလီယံ ရင်းနှီးမြှုပ်နှံပြီး အရှေ့တောင်အာရှတွင် အကြီးမားဆုံးဖြစ်လာမည့် သံလွင် ရေအားလျှပ်စစ် စီမံကိန်းကို အကောင်အထည်ဖော်ရန်လည်း စစ်အစိုးရသည် တရုတ်၊ ထိုင်းတို့နှင့် ပူးပေါင်းကာ တည်ဆောက်ရေး လေ့လာမှုပြုလုပ်ရေးအတွက် နိုဝင်ဘာလ ၁၀ ရက်နေ့က သဘောတူ လက်မှတ်ရေးထိုးခဲ့ပြီးဖြစ်သည်။

စစ်အစိုးရသည် တရုတ်နိုင်ငံ၊ ထိုင်းနိုင်ငံတို့နှင့် ပူးတွဲ၍ ရေအားလျှပ်စစ် စီမံကိန်း အများအပြား လုပ်ကိုင်နေခြင်းကြောင့် ကချင်နှင့် ကရင်ပြည်နယ်အတွင်း ဒေသခံများ ရွှေ့ပြောင်းရခြင်း၊ လူမှုနေထိုင်မှုဘ၀များ ထိခိုက်ခြင်း၊ ပတ်ဝန်းကျင် ဂေဟစနစ် ညီမျှမှုကို ထိခိုက်ခြင်းများ ဖြစ်ပေါ်စေကြောင်း နိုင်ငံတကာ ပတ်ဝန်းကျင်နှင့် လူအခွင့်အရေး ဆိုင်ရာ အင်တာနက် စာမျက်နှာများတွင် ဖော်ပြထားသည်။

ယခုနှစ် ပထမ ၆ လအတွင်း တရုတ်ကုမ္ပဏီများက မြန်မာနိုင်ငံ၌ ရင်းနှီးမြှုပ်နှံသည့်ပမာဏမှာ အမေရိကန် ဒေါ်လာ ၈ ဘီလီယံ ရှိကြောင်း စစ်အစိုးရ၏ တရားဝင် ကိန်းဂဏန်းများကို ကိုးကားသည့် ရိုက်တာသတင်းဌာန၏ အဆိုအရ သိရသည်။

ရန်ကုန်နှင့် မန္တလေးစသော မြို့ကြီးများတွင် ပြည်သူလူထုအသုံးပြုသော လျှပ်စစ်ဓာတ်အား သုံးစွဲခမှာ တယူနစ်လျှင် ၂၅ ကျပ် (လုပ်ငန်းရှင်များ တစ်ယူနစ် ၁၀၀ ကျပ်) သာ ရှိသော်လည်း မီးမမှန်သည့်အတွက်ကြောင့် စီးပွားရေးလုပ်သော ပြည်သူများအနေဖြင့် မီးစက်ကိုသာ အားကိုးနေရသည်။

ရခိုင်ပြည်နယ်၊ သံတွဲမြို့တွင် ၁၉၉၃ ခုနှစ်ကတည်းက စတင်ကာ လျှပ်စစ်မီးရရှိရေးအတွက် အစိုးရက တာဝန်မယူတော့သဖြင့် မြို့မိမြို့ဖများပါဝင်သော မီးလင်းရေးအဖွဲ့ ဖွဲ့စည်းကာ လုပ်ဆောင်နေပြီး ယခုအခါ တယူနစ်လျှင် ၆၀၀ ကျပ်နှုန်းအထိ ပြည်သူလူထုက ပေးနေရကြောင်းသိရသည်။

ဧရာဝတီသတင်းထောက် ဟိန်းသူ ရေးသားသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: