ကြံ့ဖွံ့နှင့်ပေါင်းရန် ကရင် ပါတီကို စည်းရုံး

စစ်အစိုးရ ပြန်ကြားရေး ၀န်ကြီး ဦးကျော်ဆန်းနှင့် သာသနာရေးဝန်ကြီး ဗိုလ်မှူးချုပ်ဟောင်း သူရ ဦးမြင့်မောင်တို့က ပြည် ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ)နှင့် ဖလုံ-စဝေါ် ဒီမိုကရက်တစ်ပါတီ ပူးပေါင်းရန် တောင်ကလေး ဆရာ တော် အရှင်ပညာသာမိ ထံ လာရောက် ဆွေးနွေးခဲ့ကြောင်း သိရသည်။

USDP-Oct-14

အောက်တိုဘာလ ၁၃ ရက်နေ့က ကြံ့ဖွံ့ပါတီ ကိုယ်စားလှယ်များနှင့် တွေ့ဆုံပွဲအပြီးတွင် ပါတီဝင်များကို တွေ့ရစဉ်။ (ဓာတ်ပုံ – AP)
နိုဝင်ဘာလ ၁၆ ရက်နေ့က စစ်အစိုးရ အာဏာပိုင်များသည် ကရင်ပြည်နယ် ဘားအံမြို့တောင်ကလေး ဘုန်းကြီးကျောင်းရှိ စာသင်သားများကို စာအုပ်များ လာရောက်လှူဒါန်း၍ တွေ့ဆုံ ဆွေးနွေးခဲ့ခြင်း ဖြစ်သည်။

တောင်ကလေး ဆရာတော်သည် ကရင်စာပေနှင့် ယဉ်ကျေးမှု အဖွဲ့တွင် ဥက္ကဌ ဖြစ်ပြီး ဖလုံ-စဝေါ် ဒီမိုကရက်တစ် ပါတီကို အကြံပေးနေသော ဆရာတော် တပါးဖြစ်သည်။

ဖလုံ-စဝေါ် ဒီမိုကရက်တစ် ပါတီသည် ကရင်ပြည်နယ် လှိုင်းဘွဲ့မြို့နယ်နှင့် ဘားအံမြို့တို့တွင် အနိုင်ရရှိထားသောကြောင့် စစ် အစိုးရက ပူးပေါင်းရန် လာရောက်ဆွေးနွေးခြင်း ဖြစ်ကြောင်း တောင်ကလေး ဆရာတော်နှင့် နီးစပ်သူတဦး က ဧရာဝတီသို့ ပြောသည်။

သို့သော် ဖလုံ-စဝေါ် ပါတီ၏ သဘောထား ရပ်တည်ချက်များနှင့် မကိုက်ညီပါက ပူးပေါင်းရန် မရှိကြောင်း သိရသည်။

ကြာအင်းဆိပ်ကြီးမြို့နယ် ဖလုံ-စဝေါ်ပါတီ အမတ်လောင်း ဖြစ်သော စောတယ်ရီက ယင်းသတင်းနှင့် ပတ်သက်၍ ငြင်းဆိုခဲ့ သည်။ မနက်ဖြန်တွင် ဆရာတော်က အစည်းအဝေးခေါ်ထားသဖြင့် ဘားအံမြို့သို့ သွားမည်ဖြစ်ကြောင်းလည်း ၎င်းက ဆို သည်။

ဖလုံ-စဝေါ်ပါတီသည် ၂၀၁၀ ရွေးကောက်ပွဲတွင် ကရင်ပြည်နယ်၊ မွန်ပြည်နယ်နှင့် ရန်ကုန်မြို့ အပါအ၀င် ၁၈ နေရာ ၀င်ရောက် ယှဉ်ပြိုင်ခဲ့ရာ ၉ နေရာ အနိုင် ရရှိကြောင်း ၎င်းပါတီက ပြောသည်။

၁၉၉၀ ရွေးကောက်ပွဲ ကာလ အတွင်း ကရင်ပြည်နယ် အမျိုးသားများ အဖွဲ့ချုပ် (KSNO)၊ ပြည်ထောင်စု ကရင်အမျိုးသားများ အဖွဲ့ချုပ်(UKL) နှင့် ကရင်အမျိုးသား ဒီမိုကရေစီ ကွန်ရက် (KNCD) ဟူ၍ ကရင်နိုင်ငံရေးပါတီ ၃ ခု ရှိခဲ့ကြောင်း သိရသည်။

ယင်း ပါတီများ အနက် KSNO သည် ကရင်ပြည်နယ်ရှိ မဲဆန္ဒနယ်မြေတခု၌ အနိုင်ရရှိခဲ့ကြောင်း၊ ထိုရွေးကောက်ပွဲ၌ အဓိက အတိုက်အခံပါတီဖြစ်သည့် အမျိုးသား ဒီမိုကရေစီအဖွဲ့ချုပ်သည် ကရင်ပြည်နယ်ရှိ မဲဆန္ဒနယ်မြေ ၁၄ ခုအနက် ၁၀ ခုတွင် အနိုင်ရရှိခဲ့သည်။

ဧရာဝတီသတင်းထောက် သန်းထိုက်ဦး ရေးသားသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: