မုန်တိုင်းသင့် ဒေသများတွင် ရွေးကောက်ပွဲ ရွှေ့ဆိုင်းရန် တောင်းဆို

ရခိုင်ပြည်နယ်ရှိ ဂီရိ ဆိုင်ကလုန်း မုန်တိုင်းသင့် မြို့နယ် ၃ မြို့နယ်တွင် ရွေးကောက်ပွဲရက်ကို ရွှေ့ဆိုင်းပေးရန် ရခိုင် တိုင်းရင်း သားများ တိုးတက်ရေးပါတီ(RNDP) က ပြည်ထောင်စု ရွေးကောက်ပွဲ ကော်မရှင်ထံ တောင်းဆိုမည်ဟု သတင်းရရှိသည်။

အောက်တိုဘာ ၂၃ ရက်နေ့က တိုက်ခတ်ခဲ့သည့် ဂီရီ ဆိုင်ကလုန်းမုန်တိုင်းကြောင့် မြေပုံ၊ ကျောက်ဖြူနှင့် မာန်အောင် မြို့နယ် များတွင် အထိအခိုက် အပျက်အစီးများပြီး လူအသေအပျောက် ရှိသည့်အတွက် နိုဝင်ဘာ ၇ ရက်နေ့ ရွေးကောက်ပွဲကို ရွှေ့ဆိုင်းရန် မနက်ဖြန်တွင် တင်ပြမည်ဟု RNDP ဥက္ကဋ္ဌ ဒေါက်တာ အေးမောင်က ဧရာဝတီသို့ ပြောသည်။

“ဒီနေရာတွေ ရွေးကောက်ပွဲလုပ်မယ်ဆိုရင်တော့ စိတ်ချမ်းသာ ကိုယ်ချမ်းသာလည်း မရှိသေးတဲ့အတွက် တရားမျှတမှုလည်း မရှိနိုင်ဘူး။ လူထုကို ဒုက္ခပေးသလိုပဲ ဖြစ်မယ်”ဟု ဒေါက်တာ အေးမောင်က ဆိုသည်။

မုန်တိုင်းဒဏ်ခံ ပြည်သူတို့၏ စိတ်ပိုင်း၊ ရုပ်ပိုင်းဆိုင်ရာ ခံစားနေရသည့် လက်ငင်းအခြေအနေများကို ဖြေရှင်းပေးရမည့် အခြေ အနေဖြစ်ကြောင်း ၎င်းက ဆက်လက်ပြောသည်။

မြေပုံမြို့နယ်သည် လုံးဝပျက်စီးသွားပြီး ပြည်သူများအနေဖြင့် အစားအသောက် လိုအပ်နေသည်သာမက နေစရာပင် အခက် အခဲ ရှိကြောင်း၊ အဆိုပါမြို့များအနေဖြင့် ပြန်လည်ထူထောင်ရေးအတွက် အချိန် ၁ လခန့်ယူရမည်ဖြစ်ကြောင်း သိရသည်။

RNDP က မြေပုံမြို့နယ်တွင် ပြည်သူလွှတ်တော်အတွက် ၁ ဦး၊ အမျိုးသားလွှတ်တော်အတွက် ၁ ဦး နှင့် ပြည်နယ် လွှတ်တော် အတွက် ၂ ဦး၊ စုစုပေါင်း ကိုယ်စားလှယ်လောင်း ၄ ဦး ၀င်ရောက်ယှဉ်ပြိုင်မည်ဖြစ်ပြီး ကျောက်ဖြူမြို့နယ်တွင် ကိုယ်စားလှယ် လောင်း ၄ ဦးနှင့် မာန်အောင်မြို့နယ်တွင် ကိုယ်စားလှယ်လောင်း ၃ ဦး ၀င်ရောက်ယှဉ်ပြိုင်မည်ဖြစ်သည်။

အဆိုပါ မြို့နယ်များတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) နှင့် တိုင်းရင်းသား စည်းလုံးညီညွတ်ရေးပါတီ (တစည) တို့လည်း ယှဉ်ပြိုင်ကြမည်ဖြစ်သည်။

ပြည်ထောင်စု ရွေးကောက်ပွဲ ကော်မရှင် ဥပဒေ၊ အခန်း (၃)၊ ပုဒ်မ ၈ (စ) ပါ တာဝန်နှင့် လုပ်ပိုင်ခွင့်များတွင် သဘာဝ ဘေး အန္တရာယ်ကြောင့်သော်လည်းကောင်း၊ နယ်မြေလုံခြုံရေး အခြေအနေ အရသော်လည်းကောင်း ရွေးကောက်ပွဲ မကျင်းပနိုင်ပါ က ရွှေ့ဆိုင်းခြင်းနှင့် ပယ်ဖျက်ခြင်းများကို ရွေးကောက်ပွဲ ကော်မရှင်က လုပ်ကိုင်နိုင်သည်ဟု ပြဋ္ဌာန်းထားသည်။

၂၀၀၈ ခုနှစ် ဖွဲ့စည်းပုံအခြေခံဥပဒေ အတည်ပြုပြဋ္ဌာန်းရန် လူထုဆန္ဒခံယူပွဲကို မေလ ၁၀ ရက်နေ့တွင် ကျင်းပမည်ဟု စစ်အစိုး ရ က သတ်မှတ်ခဲ့သည်။ သို့သော် မေလ ၂ ရက်နေ့တွင် နာဂစ်ဆိုင်ကလုန်းမုန်တိုင်း တိုက်ခတ်မှုကြောင့် ဧရာဝတီတိုင်းရှိ မြို့နယ် ၂၆ မြို့နယ် အနက် ၇ မြို့နယ်နှင့် ရန်ကုန်တိုင်းရှိ မြို့နယ် ၄၆ မြို့နယ်အနက် ၄၀ တို့တွင် ဆန္ဒခံယူပွဲကို မေလ ၂၄ ရက်နေ့သို့ ရွှေ့ဆိုင်း ကျင်းပခဲ့သည်။

ဒီမိုကရက်တစ်ပါတီ (မြန်မာ) ဥက္ကဋ္ဌ ဦးသုဝေကလည်း RNDP ပါတီ၏ တောင်းဆိုမှုကို ထောက်ခံကြောင်း၊ ယခုကဲ့သို့ အပျက် အစီး အသေအပျောက်များသည့် အချိန်တွင် ရွေးကောက်ပွဲ ကော်မရှင်အနေဖြင့် အချိန်ကာလကို ရွှေ့ဆိုင်းပေးသင့်ကြောင်း ဧရာဝတီသို့ ပြောသည်။

နောက်ဆုံးရရှိသည့် သတင်းများအရ ဂီရိ ဆိုင်ကလုန်းမုန်တိုင်းကြောင့် သေဆုံးသူ စုစုပေါင်း ၈၄ ဦးရှိသွားပြီဖြစ်ပြီး မြေပုံ မြို့နယ်သည် အပျက်အစီး အဆုံးအရှုံး အများဆုံးဖြစ်သည်ဟု ဒေသခံများထံမှ သိရသည်။

ယနေ့ထုတ် ကြေးမုံ သတင်းစာတွင်မူ သေဆုံးသူ ၂၂ ဦးရှိပြီး ၁၅ ဦး ပျောက်ဆုံးနေကြောင်း၊ အိမ်ခြေ ၂၀၈ လုံး၊ ဘုန်းကြီး ကျောင်း ၈ ကျောင်း၊ ဌာနဆိုင်ရာ အဆောက်အအုံ ၃၄ လုံး၊ စာသင်ကျောင်း ၈ ကျောင်းနှင့် စက်လှေ အစင်း ၈၀ နစ်မြုပ် သွားသည်ဟု ဖော်ပြထားသည်။

ဧရာဝတီသတင်းထောက် ရန်ပိုင် ရေးသားသည်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: