နာရေးကူညီမှုအသင်း၏ ဝမ်းနည်းကြောင်း သဝဏ်လွှာ သတင်းစာတွင် ထည့်ခွင့်မရ

နာရေးကူညီမှု အသင်း (ရန်ကုန်) အတွင်းရေးမှူး စာရေးဆရာမ ဒေါ်သန်းမြင့်အောင်၏ ဖခင် ကွယ်လွန်ခြင်း အတွက် အသင်း၏ ၀မ်းနည်းကြောင်း သ၀ဏ်လွှာကို သတင်းစာတွင် ထည့်သွင်းခွင့် မပြုကြောင်း သိရသည်။

nar-yae-ygn
ဈာပနအခမ်းအနားတွင် တွေ့ရသော စာရေးဆရာမ ဒေါ်သန်းမြင့်အောင် (ဓာတ်ပုံ – နာရေးကူညီမှုအသင်း)

နာရေးကူညီမှု အသင်း ဥက္ကဋ္ဌ ဦးကျော်သူက “၂၀ ရက်နေ့က အသင်း အတွင်းရေးမှူး ဆရာမ ဒေါ်သန်းမြင့်အောင်ရဲ့ ဖခင်ကြီး ကွယ်လွန် သွားလို့ အသင်းကနေ ၀မ်းနည်းကြောင်း သ၀ဏ်လွှာကို မြန်မာ့ အလင်းနဲ့ ကြေးမုံ သတင်းစာမှာ ကြော်ငြာ သွားထည့်တာ ၂ စောင်စလုံးက ပယ်ချလိုက်တယ်။ သေဆုံးကြောင်း ကြော်ငြာ တာမှာလည်း ဒေါ်သန်းမြင့်အောင် နာမည်ရှေ့မှာ စာရေး ဆရာမဆိုတဲ့ စာလုံးကို ဖြုတ်ခိုင်းတယ်။ ကျနော်တို့မှာ ကိုယ့်နာရေး ဖြစ်လို့တောင် ကြော်ငြာ ထည့်လို့ မရတဲ့ဘ၀” ဟု ပြောသည်။

ဒေါ်သန်းမြင့်အောင်၏ ဖခင် ဦးချစ်အောင် အသက် ၈၄ နှစ်သည် စက်တင်ဘာ ၁၉ ရက်နေ့က ကွယ်လွန်ခဲ့သော်လည်း ဒေါ်သန်းမြင့်အောင် ခရီးလွန်နေသဖြင့် ယမန်နေ့ကမှ ရေဝေးသုသာန်သို့ ပို့ဆောင်သင်္ဂြိုဟ်ရကြောင်း သိရသည်။

ဒေါ်သန်းမြင့်အောင်၏ စာမူများကို စာပေစိစစ်ရေးက စာနယ်ဇင်းများတွင် ဖော်ပြခွင့် ပိတ်ပင်ထားသည့်အပြင် လွန်ခဲ့သော လပိုင်းက စာရေးဆရာ မောင်သာချိုပြုလုပ်ခဲ့သည့် ဒေါ်သန်းမြင့်အောင်နှင့် အင်တာဗျုးကိုလည်း ဖော်ပြခွင့် မပြုခဲ့ကြောင်း သိရသည်။

ဒေါ်သန်းမြင့်အောင်သည် နာရေးကူညီမှုအသင်း(ရန်ကုန်) တွင် အတွင်းရေးမှူးတာဝန် ယူထားသည့်အပြင် HIV ပိုး ကူးစက် ခံရသူ မိဘမဲ့ ကလေးသူငယ်များကို စောင့်ရှောက်ပေးနေသည့် “သုခရိပ်မြုံဂေဟာ” နှင့် ခိုကိုးရာမဲ့ အဘိုးအဘွားများကို စောင့်ရှောက်သော “ဆည်းဆာရိပ်ဂေဟာ” ကို ထူထောင်ထားသူလည်း ဖြစ်သည်။

အစိုးရနှင့် မသက်ဆိုင်သည့်၊ နိုင်ငံရေးနှင့်လည်း ပတ်သက်ခြင်း မရှိသည့် နာရေးကူညီမှုအသင်းကို ၂၀၀၁ ခုနှစ် ဇန်န၀ါရီလတွင် စာရေးဆရာ၊ ဒါရိုက်တာကြီး ဦးသုခ၏ လမ်းညွှန်မှုဖြင့်ရုပ် ရှင်သရုပ်ဆောင် ဦးကျော်သူတို့က ဦးစီး တည်ထောင်ခဲ့ကြသည်။

နာရေးကူညီမှု အသင်းကို ပြည်တွင်းပြည်ပ အလှူရှင်တို့၏ လှူဒါန်းငွေများဖြင့် ရန်ကုန်မြို့ ဈာပန လုပ်ငန်းများကို အခမဲ့ ကူညီလျက်ရှိသည်။

၂၀၀၆ ခုနှစ် သြဂုတ်လတွင် နာရေးကူညီမှု အသင်းမှ ဦးကျော်သူနှင့် စာရေး ဆရာမ ဒေါ်သန်းမြင့်အောင်တို့ ၈၈ မျိုးဆက် ကျောင်းသား ခေါင်းဆောင်များ ဦးဆောင်ကျင်းပသည့် ၁၈ နှစ် မြောက် ၈ လေးလုံး အရေးတော်ပုံ နှစ်ပတ်လည် အခမ်းအနားသို့ တက်ရောက်ခဲ့သည့် နောက်ပိုင်း နာရေးကူညီမှုအသင်း၏ လှုပ်ရှားမှုများကို အစိုးရ သတင်းစာများက ထည့်သွင်းဖော်ပြခြင်း မပြုသည့်အပြင် အာဏာပိုင်များက အနှောင့်အယှက်များပေးခဲ့သည်။

နာရေးကူညီမှုအသင်းသည် ယခင်က သင်္ဃန်းကျွန်းမြို့နယ် ဗြဟ္မ၀ိဟာရ ဘုန်းကြီးကျောင်းတိုက်တွင် အခြေ စိုက်ကာ အခမဲ့ နာရေးဝန်ဆောင်မှုပေးခဲ့ရာမှ မြို့နယ်စည်ပင် အာဏာပိုင်များက ပိတ်ပင်ခဲ့သည့်အတွက် ၂၀၀၉ ခုနှစ် ဇူလိုင်လတွင် မြောက်ဒဂုံမြို့နယ်သို့ ရွှေ့ပြောင်းပေးခဲ့ရသည်။

ဧရာဝတီသတင်းထောက် မင်းနိုင်သူ ရေးသားသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: