စစ်တပ်မီးသုံးခ သံတွဲမြို့လူထု ခံရ

ရခိုင်ပြည်နယ် သံတွဲမြို့အခြေစိုက် စစ်တပ်က လျှပ်စစ်မီးသုံးစွဲခကို အထူးအခွင့်အရေးယူပြီး တယူနစ်လျှင် ၅ ကျပ်နှုန်းသာ ပေးဆောင်နေသဖြင့် မြို့ခံလူထုအတွက် ဝန်ထုပ်ဝန်ပိုး ဖြစ်နေကြောင်း သိရသည်။

“မြို့မှာ ခမရ ၅၅ နဲ့ ခမရ ၅၆ ဆိုပြီး အခြေစိုက်တပ်ရင်း ၂ ရင်း ရှိတယ်။ ခမရ ၅၆ တပ်က သူ့မီးစက်နဲ့သူ သုံးပြီး ခမရ ၅၅ ကတော့ မြို့က မီးစက်ကနေပဲ ပေးနေရတယ်။ တပ်က သူတို့သုံးတဲ့ သုံးစွဲခကို တယူနစ်အတွက် ၅ ကျပ်နှုန်းပဲ ပေးနေတာပါ။ မြို့လူထုကတော့ တယူနစ်အတွက် ၆၀၀ ကျပ် ပေးဆောင်နေကြရတာဆိုတော့ သူတို့အတွက်ပါ မြို့လူထုက ပေးနေရတယ်” ဟု သံတွဲမြို့ခံတဦးက ပြောသည်။

အဆိုပါကိစ္စနှင့် စပ်လျဉ်း၍ သံတွဲမြို့ “မီးလင်းရေး ကော်မတီ” မှ ဦးအောင်နိုင်ဦးက “ခမရ ၅၅ ကို တယူနစ် ၅ ကျပ်နှုန်းနဲ့ ပေးနေရတယ်ဆိုတာ ဟုတ်ပါတယ်။ ဒီကိစ္စအတွက် နိုင်ငံတော်ကိုလည်း တင်ပြထားပါတယ်။ အကြောင်းပြန်ကြားမှုတော့ မရသေးပါဘူး။ ကျနော်တို့ မီးပေးရေးအဖွဲ့ဟာ အကျိုးအမြတ်မယူတဲ့ အဖွဲ့ပါ။ မြို့လူထုအတွက် မီတာခ လျှော့ချပေးနိုင်ဖို့ကို ကျနော်တို့လည်း အလေးထားပါတယ်။ ဒီဇယ်ဈေးတွေ တက်လာတဲ့အတွက် သုံးစွဲခ တက်ယူနေရတာပါ” ဟု ပြောသည်။

သံတွဲမြို့ လျှပ်စစ်မီးပေးဝေရေးကို ၁၉၉၃ ခုနှစ်တွင် အစိုးရက မြို့မိမြို့ဘများ ပါဝင်သော မီးလင်းရေးအဖွဲ့သို့ လွှဲပြောင်း ပေးခဲ့သော်လည်း ခမရ ၅၅ နှင့် အဏ္ဏ၀ါရိပ်သာအတွက် မီးသုံးစွဲခကိုမူ တယူနစ်လျှင် ၅ ကျပ်နှုန်းသာ ပေးဆောင်စေခဲ့ကြောင်း သိရသည်။

“အဏ္ဏ၀ါရိပ်သာဆိုတာက သမ္မတအိမ်တော်နဲ့ ၀န်ကြီးတွေနေဖို့ အိမ်တွေပါတယ်။ တရုတ်သမ္မတတို့ လာတုန်းက တည်းသွားတဲ့ ရိပ်သာကြီးပေါ့။ အဲဒီအတွက်လည်း တယူနစ် ၅ ကျပ်နှုန်းနဲ့ပဲ ကောက်နေသေးတော့ မြို့ခံလူထုကပဲ ဒီဇယ်ဖိုး စိုက်နေရတာ” ဟု သံတွဲမြို့နယ် ဂျိတ္တောကျေးရွာသားတဦးက ပြောသည်။

သံတွဲမြို့ပေါ်ရှိ ရပ်ကွက် ၇ ရပ်ကွက်နှင့် အနီးအနား ကျေးရွာများအား မီးပေးဝေရေးအတွက် ၈၆၀ KV အမျိုးအစား မီးစက် ၂ လုံးကို အသုံးပြုနေရပြီး တလလျှင် ယူနစ် ၅၀၀၀၀ ကျော် ပေးဝေနေရကြောင်း၊ ညပိုင်းကိုသာ မီးပေးနိုင်ပြီး ညနေ ၆ နာရီခွဲမှ ည ၁၁ နာရီအထိသာ မီးပေးကြောင်း သိရသည်။

မီးလင်းရေး ကော်မတီဝင်ဟောင်း တဦးက “မြို့လူထုအတွက် ပေးနေရတဲ့ ယူနစ်က ၅၀၀၀၀ ကျော်၊ ခမရ ၅၅ နဲ့ အဏ္ဏ၀ါရိပ်သာရဲ့ သုံးစွဲအားက တလကို ယူနစ် ၅၀၀၀ ကျော်နဲ့ ၈၀၀၀ ကြားမှာရှိတယ်။ မီးလင်းရေး ကော်မတီ အမြတ်အစွန်း ထွက်တုန်းက စုထားတဲ့ ရန်ပုံငွေကလည်း ကုန်သွားပြီ။ ၂၀၀၇ ခုနှစ် ဒီဇယ်ဈေးတွေ အရမ်းတက်လာချိန်မှာ တယူနစ်ကို ၃၅၀ ကျပ်နှုန်းနဲ့ပဲ ပေးခဲ့ရတာကိုး။ နောက်တော့ ဒီဇယ်ဈေးက တက်ပြီးရင်းတက်ဆိုတော့ မီးလင်းရေး ကော်မတီဝင်တွေလည်း မြို့လူထုကို မျက်နှာပူလာကြတယ်” ဟု ပြောသည်။

သံတွဲမြို့ မီးလင်းရေး ကော်မတီ စတင်ဖွဲ့စည်းစဉ်က အဖွဲ့ဝင် ၂၀ ကျော် ပါရှိခဲ့သော်လည်း တဖြည်းဖြည်း ထွက်သူများလာသဖြင့် ယခုအခါ ဦးအောင်နိုင်ဦးနှင့် ဦးကိုကြီးမောင်တို့ ၂ ဦးသာ ရှိတော့ကြောင်း သိရသည်။

“ခမရ ၅၅ နဲ့ အဏ္ဏ၀ါကို မီးပေးရတယ်။ နောက်ပြီး လမ်းမီးတွေ ပေးရတယ်။ လမ်းမီးအတွက်ကို စည်ပင်က အခွန်ကောက်ပြီး ကော်မတီကို ပြန်ပေးတယ်။ ဒါပေမယ့် မဆိုစလောက်ပါပဲ။ စည်ပင်ကနေ တလမှ တသိန်းခွဲလောက်ပဲ ရတာပါ။ တယူနစ် ကျပ် ၆၀၀ တိုးမယ် ဆိုတုန်းက ကျနော်တို့ မြို့လူထုကို အစည်းအဝေးလုပ်ပြီးမှ တိုးခဲ့တာပါ” ဟု ဦးအောင်နိုင်ဦးက ပြောသည်။

ရန်ကုန်၊ မန္တလေးနှင့် တခြားမြို့များတွင် အစိုးရက ပေးဝေသော ရေအားလျှပ်စစ် ရရှိနေကြပြီး တယူနစ်လျှင် ၂၅ ကျပ်နှုန်း ပေးဆောင်ရသော်လည်း မီးပျက်နှုန်း မြင့်မားနေကြောင်း သိရသည်။

သံတွဲမြို့ခံတဦးက “ကျနော်တို့ ရခိုင်ပြည်နယ်မှာ သဘာဝဓာတ်ငွေ့တွေလည်း အများကြီး ထွက်နေပါရဲ့နဲ့ ကျနော်တို့ဆီမှာ လျှပ်စစ်မီးလေးတောင် ပြည့်ပြည့်၀၀ မရဘူး။ ကျနော်တို့ မြို့တင် မဟုတ်ပါဘူး၊ ရခိုင်တပြည်နယ်လုံးပါပဲဗျာ” ဟု ပြောသည်။

ဧရာဝတီသတင်းထောက် မင်းနိုင်သူ ရေးသားသည်။

မြို့အင်္ဂါနှင့် မညီသည့်ကားများ အမြန်လမ်းပေါ် မတက်ရ

အာဏာပိုင်များ၏ ညွှန်ကြားချက် အရ အမြန် လမ်းမကြီးများတွင် မြို့တော် အင်္ဂါရပ်နှင့် မညီသည့် ကားများ ၀င်ရောက် မောင်း နှင်ခြင်းကို ခွင့်မပြုတော့ကြောင်း သိရသည်။

မကြာခင်က ဖောက်ပြီးစီးခဲ့သည့် ရန်ကုန် – နေပြည်တော် – မန္တလေး အမြန်လမ်းမကြီးတွင်လည်း ပြီးခဲ့သည့် လမှ စတင်ကာ မော်ဒယ် နိမ့်ကားများ ၀င်ရောက်လာမှု မရှိစေရန် ပညာပေးအနေနှင့် စတင်ဆောင်ရွက်နေမူများပြုလုပ်နေကြောင်း နေပြည် တော် ယာဉ်စည်းကမ်းထိန်းသိမ်းရေးဌာနမှ ရဲအရာရှိတဦးက ပြောသည်။

“အမြန် လမ်းတွေရဲ့ လမ်းစည်းကမ်း ထဲမှာကို လမ်းပျက်စီး စေမယ့် ကျောက်စရစ်ကား၊ အုတ်ကား၊ သဲကား၊ ထော်လာဂျီ ကြီးတွေ မဖြတ်သန်း စေရဘူး ဆိုတဲ့ဟာ ရှိထားတယ်။ အိမ်စီးကား တွေကတော့ လမ်းမပျက်စီး ပေမယ့် မြို့တော် အင်္ဂါရပ်ကို ထိခိုက်စေမယ် ဆိုပြီး ထပ်ထည့် လိုက်တာ”ဟု သူက ဧရာဝတီကို ပြောသည်။

အမြန် လမ်းမကြီးများ ဖြစ်သောကြောင့် သတ်မှတ် မိုင်နှုန်းများကို မိုင် ၃၀ ၊ မိုင် ၆၀ ၊ မိုင် ၈၀ သတ်မှတ် ပေးထားကြောင်း သိရ သည်။

“ ကွေ့နေရာတွေဆို မိုင် ၃၀မောင်းဖို့ ၊ လမ်းအဖြောင့်နေရာတွေ ဆိုရင် အမြန်လမ်းလည်းဖြစ်တော့ ခုလို မိုင်နှုန်းတွေ မြှင့်ပေး ထားတယ်။ ဒီလို မြှင့်ပေးထားတဲ့ မိုင်နှုန်းတွေ အတိုင်း မောင်းနိုင်မယ့် ကားတွေပဲ ဖြစ်စေချင်တယ်။ ဒီနှုန်းနဲ့ ဆို မာစတာဂျစ် တွေဆို မောင်းလို့ရပေမယ့် လေးဘီး ဆိုရင်တော့ မောင်းလို့ရမှာ မဟုတ်ဘူး။ ဒီလမ်းမကြီးမှာ ကားပျက်လို့ ရပ်နေရတာမျိုး ဆို ပြဿာနာရှိတယ်လေ၊ ဒါကြောင့် မော်ဒယ်နိမ့်ကားတွေပါ မ၀င်ဖို့ တားမြစ်လိုက်တဲ့ထဲမှာပါသွားတာ ” ဟု နေပြည် တော် စည်ပင်သာယာဌာန မှ အင်ဂျင်နီယာတဦးကလည်း ပြောသည်။

၎င်းက ဆက်လက်၍ “ အမြန်လမ်းစတဲ့ ထောက် ကြန့်နေရာလောက်က စစစ်မှာ။ သတ်မှတ်ပေးထားတဲ့ မိုင်နှုန်းနဲ့ မောင်းလို့ မရလောက်ဘူး။ ယူဆတဲ့ ကားတွေ၊ ဥပမာ- ဟိုင်းလတ်ထဲမှာ ဆိုရင်လည်း နံပါတ် ၇၉ နဲ့ စတာဆို မရဖူး ၉၀ နဲ့ စတာမျိုး၊ အက်စ် အီးကားတွေ ၊ တိုယိုတာထဲမှာ နံပါတ် y တွေဆိုမရဘူး ” ဟု ပြောသည်။

အသစ်ဖောက်လုပ်ထားသည့် ကွန်ကရစ်လမ်းမကြီးပေါ်တွင် မြို့တော်အင်္ဂါရပ်နှင့်မညီသည့် မော်ဒယ်နိမ့်ကားများ မောင်းနှင် ပါက မော်တော်ယာဉ်ဥပဒေအရ အရေးယူသွားမည်ဟုထုတ်ပြန်ထားသည်။

ယခု လက်ရှိ မြန်မာပြည်တွင် နံပါတ်မြင့် ၊ မော်ဒယ်မြင့် ကားကို အာဏာပိုင်များနှင့် ယင်းတို့နှင့် နီးစပ်သူဆွေမျိုးများ၊ အရာ ရှိကြီးများ၊ စီးပွားရေးလုပ်ငန်းရှင်ကြီးများနှင့် ငွေကြေးချမ်းသာသူအများစုသာ ၀ယ်စီးနိုင်သည်။

“ အခုချိန်မှာ ပညာပေးအနေနဲ့ စနေပြီ၊ နောက်ဆိုရင် ဒီလို မော်ဒယ်နိမ့်ကားတွေ လုံးဝ မ၀င်ရတော့ဘူးဆိုတော့ သေရေး ရှင်ရေး ကိစ္စရှိလာရင် သူတို့ သတ်မှတ်ထားတဲ့ မော်ဒယ်နိမ့်ကားထဲမှာ ပါနေလို့ ဖြတ်မရဘူး ဆိုတာမျိုးတွေက ရေရှည် မှာ ပြဿနာ ဖြစ်လာနိုင်တယ်။ ဒီလို ဥပဒေမျိုးက ကိုယ့်နိုင်ငံရဲ့ အခြေအနေကို သေချာ ဆန်းစစ်ပြီးမှ ထုတ်သင့်တယ်။ မြန် မာနိုင်ငံရဲ့ စီးပွားရေးအခြေအနေအရ ကားစုတ်လေး တစီးပိုင်ဖို့တောင် မလွယ်ဘူးလေ။ လမ်းပျက်စီးမှာစိုးလို့ ကားကြီးတွေ ကို ဖြတ် ခွင့်မပြုတာကို လက်ခံတယ် ” ဟု ပြည်သူ့ဆောက်လုပ်ရေးလုပ်ငန်းမှ ဌာနမှူးတဦးက ပြောပြသည်။

“ လမ်းဖောက်တဲ့ စနစ်ကောင်းမကောင်းတော့ မသိဘူး နေပြည်တော်မှာပဲ ၂၀၀၉ခု နှစ်ထဲမှာ ယာဉ်မတော်တဆ တိုက်မှု ၂၇၉မှု ဖြစ်ခဲ့တယ်။ ဒီ ပြဿနာကို စိစစ်တော့ လမ်းဖောက်တဲ့ နေရာမှာ ကတ္တရာလမ်းမှာ မောင်းရင် ကားဘီးကို ကတ္တရာက ဆွဲထားတဲ့ အားရှိတယ်။ ကွန်ကရစ်လမ်းမှာက ဘီးကိုဆွဲထားတဲ့ အားမရှိဘူး။ ဒီအချက်တွေပါထည့်ပြီး လမ်းအကွေ့တွေမှာ တိမ်းချော်မှုတွေ မရှိအောင် တွက်ချက်ဆွဲရတာ ” ဟု သူက ရှင်းပြသည်။

လမ်းဖောက်လုပ်ရာတွင် မောင်းနှင်းသူများအတွက် အကောင်းဆုံးနှင့် အန္တရာယ်အကင်းဆုံးဖြစ်သည့် ကတ္တရာအသုံးမပြုတော့ ဘဲ စရိတ်သက်သာသည့် ကွန်ကရစ်လမ်းများအသုံးပြုဖောက်လုပ်မှုများလာသည်။

“ ၂၀၁၀ ပြည့်နှစ် နိုဝင်ဘာလတွင် ပြုလုပ်မယ့် ကျောက်မျက်ပြပွဲမှာလည်း နိုင်ငံခြားသားတွေ ပါ လာရောက်မှာဖြစ်တဲ့အတွက် ပုံစံမကောင်းတဲ့ကားတွေကို လမ်းမကြီးတွေပေါ် တက်မလာအောင်လည်း နေပြည်တော်စည်ပင်သာယာရေး ကော်မတီက ပညာပေးမှုတွေ ပြုလုပ်နေပါတယ်” ဟု နေပြည်တော်ယာဉ်ထိန်းတပ်ဖွဲ့မှ တာဝန်ရှိသူတစ်ဦးက ပြည်တွင်းအခြေစိုက် Weekly Eleven ဂျာနယ်၏ အွန်လိုင်းစာမျက်နှာတွင် ဖော်ပြထားသည်။

“ ပြည်ပက လူတွေကို လက်ရှိ မြန်မာပြည်ရဲ့ စုတ်ပြတ်နေတာတွေ ဖော်ပြဖို့ ရှက်တယ်ဆိုရင်လည်း အရှက်မရအောင် စီးပွား ရေးတွေတိုးတက်အောင် ၊ လူနေမှုတွေ တိုးတက်အောင်လုပ်ပေးသင့်တယ်။ သူတို့ ကျတော့ ကားအကောင်းစားတွေစီးပြီး ပြည်သူတွေပိုင်တဲ့ ကားအစုတ်တွေ ဒီလမ်းမှာ မောင်းရင်အရေးယူသွားမယ် ဆိုတာမျိုးတော့ မဖြစ်သင့်ဘူး ” ဟုကျောက် မြောင်းမြို့နယ်ရှိ ကားဝယ်ရောင်းလုပ်ကိုင်နေသူ တဦးက ပြောသည်။

ရန်ကုန်-မန္တလေး အမြန်လမ်း မကြီးတွင် ရန်ကုန်-နေပြည်တော်လမ်း ပိုင်းနှင့် နေပြည်တော်-မန္တလေးလမ်း ပိုင်းဟူ၍ လမ်းပိုင်း နှစ်ပိုင်း ပါဝင်သည်။

ရန်ကုန်- မန္တလေး အမြန်လမ်းမကြီးသည် စုစုပေါင်း ၃၅၂ မိုင် ၆ ဖာလုံ ရှည်လျားပြီး အောက်တိုဘာလ ၁၅ ရက်နေ့တွင် စတင် ဖွင့်လှစ်မည် ဟု သိရသည်။

ဧရာဝတီသတင်းထောက် နရီလင်းလက် ရေးသားသည်။

အရက်ချက်စက်ရုံ စည်းကမ်းမဲ့ ရေဆိုး စွန့်ထုတ်မှု များပြားလာ

ရန်ကုန်မြို့တွင်း စက်မှုဇုန်များရှိ အရက်ချက် စက်ရုံများမှ စွန့်ထုတ် လိုက်သည့် ရေဆိုး ရေညစ်များကို စနစ်တကျ စွန့်ထုတ်ခြင်း မရှိဘဲ နီးစပ်ရာ မြစ်ချောင်းများတွင် စည်းကမ်းမဲ့ စွန့်ထုတ်မှု ပိုမိုများပြား လာကြောင်း သိရသည်။

ရေဆိုးများ စွန့်ထုတ်သည့် လှိုင်သာယာစက်မှုဇုန်နှင့် ရွှေပြည်သာ စက်မှုဇုန်သည် လှိုင်မြစ်အနီးတွင် တည်ရှိသည်။

အရက်ချက် စက်ရုံ အများစုသည် လှိုင်သာယာနှင့် ရွှေပြည်သာ စက်မှုဇုန် အတွင်း တည်ရှိကြပြီး စွန့်ပစ်ရေများကို ယင်း စက်မှု ဇုန်အနီးရှိ မြစ်ချောင်း များတွင် အလွယ်တကူ စွန့်ပစ်ကြသည်ဟု ရွှေပြည်သာ စက်မှုဇုန် စားသောက်ကုန် လုပ်ငန်း အုပ်ချုပ်ရေး ဌာနတွင် လုပ်ကိုင်နေသူ အမျိုးသမီးတဦးက ပြောဆိုသည်။

“လှိုင်သာယာ စက်မှုဇုန်က ထွက်တဲ့ ရေဆိုးတွေ အကုန်လုံး လှိုင်မြစ်ထဲ ရောက်ကုန်တာ။ အာဏာပိုင်တွေက တခုတလေ စက်မှု ဇုန်တွေ လိုက်ကြည့်ရင် လှိုင်သာယာ ဇုန်ထဲကို လာတာများတယ်။ ပြည်ပ က လူတွေလာရင်လည်း ခေါ်လာပြ တာတွေ ရှိတော့ ဒီလောက် မဆိုးဘူး။ ရွှေပြည်သာ စက်မှုဇုန်ကကျတော့ စက်ရုံနားက မြောင်းရေတွေက အရက်ရောင်တွေ ပေါက်နေပြီး အရက်နံ့တွေပါ ပတ်ဝန်းကျင်က လူတွေက ရှုနေရတယ်”ဟု ၎င်းက ပြောသည်။

ယခင်က သစ်ထုတ်လုပ်ရေး စက်ရုံများအတွက် ရည်ရွယ်၍ မြစ်ကမ်းနှင့် နီးသည့် နေရာကို ရွေးချယ်ကာ စက်မှုဇုန်တည်ခဲ့ သော်လည်း လက်ရှိတွင်မူ သစ်ထုတ်လုပ်မှု လုပ်ငန်းများနည်းပါးလာပြီး ရေသန့်၊ အစားအသောက်နှင့် အရက် စသည့် ကုန် ပစ္စည်းထုတ်လုပ်သည့် စက်ရုံများက ပိုမိုများပြားကြောင်း သိရသည်။

“အခုလက်ရှိမှာ အရက်ချက်စက်ရုံတွေက လိုတာထက် ပိုများလာတယ်။ အဲဒီကထွက်တာတွေ အကုန်လုံး တခြားနေရာ မသွားဘူး မြစ်ထဲပဲပစ်တာ။ ရေဆိုး လှောင်တဲ့ ကန်ရှိပေမယ့် ကန်ကို သန့်စင်ဖို့ ၊ ရေဆိုးတွေလာသယ်ပေးဖို့ ဒီအတွက် ခဏ ခဏ မလုပ်နိုင်ဘူး။ ပိုက်ဆံ အကုန် အကျများတာလည်း ပါတယ်။ စည်ပင်က စည်းကမ်းမဲ့ ပစ်ရင် ဥပဒေအရ ပုဒ်မ ဘယ် လောက်နဲ့ အရေးယူမယ်ပြောပေမယ့် သူတို့ ဘက်ကလည်း ချို့ယွင်းချက်တွေ ရှိနေတာလည်းရှိတော့ အရေးယူတာတွေ မလုပ်သေးဘူး”ဟု အကြီးဆုံး အရက် ထုတ်လုပ်သည့် ကုမ္ပဏီ တခုမှ ထုတ်လုပ်ရေး မန်နေဂျာက ပြောသည်။

ရန်ကုန်မြို့တော် စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးဌာနမှ ရေဆိုးရေညစ်များစွန့်ပစ်ရန် စက်မှုဇုန်များ သို့ တပတ်နှစ်ကြိမ်ခန့်သတ်မှတ်ထားသော်လည်း ပုံမှန်လာရောက်ခြင်းမရှိဟု သူက ပြောသည်။

စည်းကမ်းမဲ့ စွန့်ပစ်မှုများကို မည်သို့ အရေးယူသွားမည်နှင့် ပတ်သက်၍ ဧရာဝတီသတင်းဌာနမှ ရန်ကုန်မြို့တော် စည်ပင် သာယာရေး ကော်မတီ ပတ်ဝန်းကျင် ထိန်းသိမ်းရေးဌာနသို့ ဆက်သွယ်မေးမြန်းရာ ဖြေကြားခြင်း မရှိပေ။

“သဘာဝ ပတ်ဝန်းကျင် အနေနဲ့ ရေဆိုးရေညစ်တွေကို ချောင်းထဲ ပစ်တာက ရေသတ္တ၀ါတွေ ကိုထိခိုက်စေသလို၊ ရေဆိုး ရေညစ် ထဲမှာပါတဲ့ ဓာတုပစ္စည်းတွေက လေထုညစ်ညမ်းစေတယ်။ ဒါတွေကို ရှုမိတဲ့ လူတွေအတွက် တော်တော် အန္တရာယ် ရှိတယ်”ဟု သစ်တော သယံဇာတ ပတ်ဝန်းကျင်ဖွံဖြိုး တိုးတက်ရေး နှင့် ထိန်းသိမ်းရေး အသင်း ( FREDA ) အဖွဲ့မှ ဦးအုန်းက ပြောသည်။

ငွေကြေးကုန်ကျမှု များသော်လည်း ထိထိရောက်ရောက်ပြုလုပ်ပေးနိုင်သည့် နိုင်ငံတကာ အဖွဲ့အစည်းများနှင့် ပူးပေါင်း လုပ် ကိုင် သင့်ကြောင်းလည်း ၎င်းက ဆိုသည်။

“ကျန်းမာရေးထိခိုက်စေမယ့် ကာဗွန်ဒိုင်အောက်ဆိုဒ် ပါတဲ့ လေကို ရှုမိတာ ကြာလာရင် အဆုတ် ရောဂါအပြင် တခြား ဆက်နွယ်တဲ့ ရောဂါတွေပါ ဖြစ်လာစေနိုင်တယ်။ ဥပမာ- အရက်ပြင်း ချက်တယ်ဆို ဒီအထဲမှာထည့်တဲ့ ဓာတုဗေဒက ပုံမှန် ထက် အဆနည်းနည်းပိုရမယ်၊ အဲဒီကထွက်တဲ့ စွန့်ပစ်ရေမှာ ဓာတုဗေဒ အဆိပ်အတောက်တွေ များများပါမယ်။ ဒီတော့ လူတွေ ပိုထိခိုက်လာနိုင်တယ်”ဟု ကျန်းမာရေး သုတေသန ဌာနမှ ဆရာဝန်ကြီးတဦးက ပြောပြသည်။

ရန်ကုန်မြို့တွင် နာမည်ကြီး Grand Royal အမှတ်တံဆိပ် အပါအ၀င် ထုတ်လုပ်ရောင်းချနေသည့် အရက်ချက်စက်ရုံ ၃၀၀ ခန့် ရှိသည်ဟုလည်း ဆိုသည်။

အရက်ပြင်း လီတာ ၁ သောင်း ထုတ်လုပ်ပါက စွန့်ပစ်ရေ လီတာ ၁ သိန်း ခန့်ရှိသောကြောင့် စွန့်ပစ်သည့် မြစ်၏ အရည် အသွေး ကျဆင်းခြင်း၊ မြစ်ကြောင်း ကျဉ်းလာခြင်းများဖြစ်ပေါ်လာကြောင်း အထက်ပါ ဆရာဝန်ကြီးက ပြောသည်။

ရေနှင့် ရေဆိုးရေညစ် သန့်စင်ရေး စနစ်၊ အရည်အသွေး၊ လေထုညစ်ညမ်းမှု၊ သစ်တောစသည့် ကဏ္ဍများတွင် ၂၀၁၀ ပြည့်နှစ် သဘာဝ ပတ်ဝန်းကျင် ထိန်းသိမ်းရေးဆိုင်ရာ ကမ္ဘာ့အဆင့် သတ်မှတ်ချက်တွင် မြန်မာနိုင်ငံသည် အဆင့် ၁၁၀ တွင် ရှိကြောင်း သိရသည်။

ဧရာဝတီသတင်းထောက် နရီလင်းလက် ရေးသားသည်။

ဖမ်းဆီးထားသည့် ကားများကို နေပြည်တော်ပို့ရန် စစ်တပ်မှ အင်အားအပြည့်နှင့် လုံခြုံရေးယူ

မြ၀တီမြို့နယ် ရဲစခန်းတွင် သိမ်းဆည်းရပ်တန့်ထားသည့် လိုင်စင်မဲ့ကားများကို ယနေ့မနက်တွင် နေပြည်တော်သို့ ပို့ ဆောင်ရန်အတွက် သင်္ကန်းညီနောင် အခြေစိုက် စကခ(၁၉) လက်အောက်ခံ တပ်ရင်းများက ကား ဆယ်စီးကျော်ဖြင့် လုံခြုံရေးယူကာ လိုက်ပါပို့ဆောင်သည်ဟု မြ၀တီမြို့ခံတစ်ဦးက ကေအိုင်စီကို ပြောသည်။

စစ်တပ်နှင့် နီးစပ်သူတစ်ဦးက “ဒီနေ့မနက်မှာ ဟိုတနေ့က စစ်တပ်က ဖမ်းထားတဲ့ကားတွေကို နေပြည်တော်ကိုပို့တယ် လေ။ အဲဒီအတွက် စစ်တပ်က လက်နက်အပြည့်အစုံနဲ့ ရဲဘော်တွေအများကြီး မြို့ထဲမှာ သွားလာနေပြီး လမ်းမှာလည်း လုံခြုံရေးယူပေးပြီး ပြန်လိုက်ပို့ပေးတာ။ ကြည့်ရတာ ဖားအံအထိတော့ ပြန်လိုက်ပို့ရမယ် ထင်တယ်။”ဟု ဆိုသည်။

ယနေ့မနက် ယနေ့မနက် ၉နာရီဝန်းကျင်အချိန်က မြ၀တီမြို့ထဲတွင် စစ်ကား၊ ဟိုင်းလက်ကားများဖြင့် စစ်ဝတ်စုံ၊ လက် နက်အပြည့်အစုံပါသည့် စစ်သားများကို တင်ဆောင်ကာ ရဲစခန်းအနီးတွင် ရှိနေခဲ့ပြီးနောက် မြို့တွင်းလှည့်ပတ် မောင်း နှင်နေသည့်အတွက် မြို့ခံလူထုမှာ အထိတ်တလန့် ဖြစ်ရကြောင်း ကုန်သည်အမျိုးသမီးတစ်ဦးက ယခုလို ပြောသည်။

“မနက်ပိုင်းက စစ်သားတွေ အတော်များများဟာ ကားပေါ်မှာ စက်လက် ၄-၅-၆လက်ကို ကားပေါ်မှာ ထောင်တင်ထား ပြီး သွားလာနေတော့ တခုခုဖြစ်တော့မလားဆိုပြီး ကျမတို့လည်း လန့်နေတာပေါ့။ အရင်က စစ်တပ်ဟာ တပ်ချိန်းတာ လောက်ပဲ သွားလာတာ။ အခုလို လက်နက်တွေ ပြောင်တင်ဆောင်ပြီး သွားတာ တခါမှ မတွေ့ဖူးဘူး။”ဟု ဆိုသည်။

မြ၀တီမြို့ခံ အမျိုးသမီးတဦးကလည်း “သူတို့(နအဖ) ကားနဲ့ရောက်တဲ့အချိန်မှာ ဘင်ခရာပါမှုတ်တဲ့အတွက် ကျမတို့ တော်တော်လန့်သွားတယ်။ ဗိုလ်ကျော်သက်ကိစ္စပြီးတဲ့နောက် ညဖက်မှာ စစ်တပ်က လုံခြုံရေး လာချတာလောက်ပဲ ရှိ တယ်။ အခုက ဖိုးဝီးနဲ့ ဒိုင်နာကားတို့နဲ့ မြို့ထဲမှာ ၀င်လာတော့ ထူးဆန်းတာပေါ့။ ကားက ၁၄စီးလောက်ရှိမယ်။ လူရော၊ လက်နက်တွေရော ကားထဲမှာ အပြည့်အစုံပဲ။ တကယ့် အင်္ဂလိပ်ဇာတ်ကားထဲက အတိုင်းပဲ။”ဟု ကေအိုင်စီကို ပြော သည်။

ပြီးခဲ့သည့် စက်တင်ဘာလ၂၁ရက်နေ့က မြ၀တီမြို့ အမှတ်(၄)ရဲစခန်း၌ ဒီကေဘီအေ(၉၀၂)တပ်ရင်းနှင့် ရဲ၊ နအဖ စစ်တပ်ကြား ပစ်ခတ်မှုဖြစ်လုနီးပါးအထိ တင်းမာမှု ဖြစ်ပွားပြီးသည့်နောက် မြ၀တီမြို့တွင် နေ့နေ့ညည လုံခြုံရေး တင်း ကြပ်လာခြင်းဖြစ်သည်ဟု သိရသည်။

နအဖ စစ်တပ်က မြ၀တီမြို့တွင်းသို့ ယခုလို ကားများဖြင့် လာရောက်ခြင်းသည် အင်အားလာပြခြင်းနှင့် ၎င်းတို့ကို ခြိမ်း ခြောက်ခြင်းဖြစ်ပြီး ပြည်သူများအနေဖြင့် မကြောက်လန့်ကြရန် ပြောလိုကြောင်း ဒီကေဘီအေ(၉၀၂)တပ်ရင်းမှ အရာခံ ဗိုလ်ဖြစ်သူ စောသာ့ခူးက ကေအိုင်စီကို ပြောသည်။

“ပြည်သူတွေ ဘာမှ စိုးရိမ်စရာမလိုပါဘူး။ အစိုးရက မလုပ်ရင် ကျနော်တို့ ဘယ်တော့မှ ပြန်မလုပ်ပါဘူး။ နောက် ဒီမနက် အင်အား(၇၀)ကျော်နဲ့ ကျနော်တို့ကို လာခြိမ်းခြောက်တယ်။ ဒီလိုလုပ်လည်း မကြောက်ပါဘူး။ မြို့ကနေ ထွက် ခွာခိုင်းလည်း မထွက်နိုင်ဘူး။ ကိုယ့်နေရာမှာ ကိုယ်ဆက်နေမယ်။ သူတို့က အရင်တိုက်လာရင်တော့ ကျနော်တို့က ကိုယ့်ကိုယ်ကို ကာကွယ်တဲ့အနေနဲ့ ပြန်တိုက်ရမှာပဲ။”ဟု သူက ပြောသည်။

ဆက်လက်၍ သူက နအဖ စစ်တပ်က ကားများဖြင့် အင်အား လာပြပြီးနောက် ၎င်းတို့လည်း ကား ၅စီး၊ လူအင်အား ၅၀ဦးကျော်ဖြင့် မြ၀တီမြို့တွင် လှည့်လည်ကာ ပြန်လည်အင်အားပြခဲ့သည်ဟု သူက ဆက်ပြောသည်။

ထို့အပြင် မြ၀တီမြို့ ဘုရင့်နောင်လမ်းမပေါ်ရှိ ရဲစခန်းတွင် သိမ်းဆည်းထားသည့် လိုင်စင်မဲ့ကားအစီး ၆၀အနက် ၃၈စီး သည် ၎င်းတို့ ဒီကေဘီအေ(၉၀၂)တပ်ရင်းမှ ကားများဖြစ်ပြီး အဆိုပါကားများကို မကြာမီ လိုင်စင်လုပ်ရန်အတွက် ကား တန်းအဆင်းတွင် မောင်းနှင်သွားရင်း မြ၀တီမြို့၊ ကုန်သွယ်ရေးဇုံအလွန် တံတားကျိုးဂိတ်တွင် စက်တင်ဘာလ ၁၈ရက် နေ့က စစ်တပ်မှ သိမ်းဆည်းသွားခဲ့ခြင်းဖြစ်သည်ဟု သူက ပြောသည်။

၎င်းက “ဒီကားတွေ လိုင်စင်လုပ်မယ်ဆိုတာ စီစဉ်ထားပြီးသား။ သူတို့က ညစ်ပတ်တာပါ။ စက်တင်ဘာလလယ် လောက်က မြ၀တီ-ကော့ကရိတ် ကားတန်းအဆင်းမှာ ကျနော်တို့ကားကို မဖမ်းဖို့ ဗိုလ်ချုပ်ရဲမြင့်ကို ကျနော်တို့ အ ကြောင်းထားပြီးသား။ ဒါပေမဲ့ ကျနော်တို့ ဆင်းတော့ ကျနော်တို့ကားတွေကို သိမ်းတော့တာပဲ။ ဒီကားတွေဟာ ပြည်သူ တွေရဲ့ကားတွေပါ။”ဟု ရှင်းပြသည်။

စက်တင်ဘာလ ၂၁ရက်နေ့က သိမ်းဆည်ထားသည့် ၎င်းတို့၏ကားကို ပြန်ပေးရန် မြ၀တီမြို့ အမှတ်(၄)ရပ်ကွက်ရှိ ရဲ စခန်း၌ သွားရောက်တောင်းယူရာမှ စစ်တပ်များပါ ရောက်ရှိလာကာ ပစ်ခတ်မှုဖြစ်လုနီးပါး တင်းမာသွားခဲ့သည်။ အခင်း ဖြစ်ပြီး နောက်နေ့တွင် ကား(၆)စီး ပြန်လည်မောင်းလာခဲ့သော်လည်း စက်တင်ဘာလ ၂၃ရက်နေ့တွင် ဒုရဲအုပ်စိုးနိုင်ဝင်း မှ ၎င်းတို့အား အမှုဖွင့်ထားပြီး ရဲအုပ်စခန်းမှူးအောင်မျိုးလွင်က စစ်ဆေးဆောင်ရွက်လျှက်ရှိကြောင်း ဒီကေဘီအေ (၉၀၂)တပ်ရင်းက ပြောသည်။

ထိုအမှုနှင့် ပတ်သက်၍ ဒုဗိုလ်မှူးကြီး စောကျော်သက် ဦးဆောင်သည့် (၉၀၂)တပ်ရင်းက အသိမ်းခံရသည့် မိမိတို့၏ ကားများကို ပြန်ပေးရန် နေပြည်တော်သို့ အသနားခံစာ တင်ထားသည်ဟုလည်း သိရသည်။ ၎င်းတပ်ဖွဲ့သည် နယ်ခြား စောင့်တပ်ကို လက်မခံသည့် ဒီကေဘီအေ တပ်မဟာ(၅)၏ လက်အောက်ခံတပ်ရင်း ဖြစ်သည်။

မြ၀တီခရိုင်၊ သင်္ဃန်းညီနောင်တွင် စကခ (၁၉)လက်အောက်ခံ ခမရ(၅၄၅)၊ (၅၄၆)၊ (၅၄၇) တပ်ရင်းများ အခြေစိုက် လျှက်ရှိကြောင်း သိရသည်။

ဧရာဝတီသတင်းထောက် စောခါးစူးညား ရေးသားသည်။

မူးယစ်ဆေးဝါး မှောင်ခိုများ ရွေးကောက်ပွဲ ၀င်မည်

တရုတ်၊ ထိုင်း – မြန်မာ နယ်စပ် ဒေသများတွင် မူးယစ်ဆေးဝါး မှောင်ခို ရောင်းဝယ် နေသူများကို ရွေးကောက်ပွဲတွင် အမတ်များ အဖြစ် ၀င်ရောက် အရွေးခံရန် စစ်အစိုးရက ထောက်ခံမှု ပေးထားကြောင်း ကချင်နှင့် ရှမ်း သုတေသီများက ပြောဆိုသည်။

စစ်အစိုးရ နောက်ခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ အမတ်လောင်းများ အဖြစ် ၀င်ရောက် အရွေးခံမည့် ဦးမြင့်လွင်နှင့် ဦးကျော်မြင့် တို့သည် ရှမ်းပြည်နယ် အတွင်း မူးယစ်ဆေးဝါး ရောင်းဝယ် ဖောက်ကား မှုများတွင် ပါဝင် ပတ်သက် နေကြောင်း ထိုင်းနိုင်ငံ ဘန်ကောက်မြို့ နိုင်ငံခြား သတင်းထောက်များ အသင်း ( FCCT) ၌ ယနေ့ ပြုလုပ်သည့် သတင်းစာ ရှင်းလင်းပွဲတွင် သုတေသီများက ဆိုသည်။

“ဘိန်းကုန်သည်၊ ဘိန်းရာဇာ တွေထဲက ဦးကျော်မြင့်က နမ့်ခမ်းမှာ၊ ဦးမြင့်လွင်နဲ့ ဦးထီခွန်မြတ်က ကွတ်ခိုင်မှာ၊ ဦးကျင်မိုင်က မူဆယ်မှာ၊ သူတို့ အားလုံး ကြံ့ဖွံ့ပါတီကနေ ရွေးကောက်ပွဲဝင်ကြမယ်။ ရှမ်းပြည်နယ်မှာ ဘိန်းစိုက်ပျိုးနေတဲ့ ဒေသ အတော် များများဟာ စစ်အစိုးရ ထိန်းချုပ်ထားတဲ့ ဒေသတွေပါပဲ” ဟု ရှမ်း သုတေသီနှင့် သတင်းစာသမား တဦးဖြစ်သူ ဦးခွန်စိုင်းက ပြောသည်။

ယခင်က ဘိန်းကို ရှမ်းပြည်နယ်တွင် ၀တပ်ဖွဲ့ ဝင်များနှင့် ငြိမ်းချမ်းရေးအဖွဲ့ များက အဓိက စိုက်ပျိုးထုတ်လုပ် ခဲ့သော်လည်း ယခုနောက်ပိုင်းတွင် စစ်အစိုးရ ဖွဲ့ စည်းပေးထားသော ပြည်သူ့စစ်များက ပိုမို စိုက်ပျိုးထုတ်လုပ်လာကြကြောင်း၊ မူးယစ်ဆေးဝါး ရောင်းဝယ်ဖောက်ကားမှုတွင် စစ်တပ်၏ ပါဝင်ပတ်သက်မှုသည် “၀” ပြည် သွေးစည်းညီညွတ်ရေး တပ်မတော် (UWSA) ၏ ပါဝင်ပတ်သက်မှုထက် ၂ ဆ ပိုများကြောင်းလည်း ၎င်းက ဆိုသည်။

ဆက်လက်၍ ဦးခွန်စိုင်းက မူးယစ်ဆေးဝါးများသည် ၀ ဒေသမှ ၀င်ရောက် လာသည့် ပုံစံမျိုး အထင်မှားစေရန် မူးယစ်ဆေးဝါး ရောင်းဝယ်သူ များက ဟန်ဆောင်ကြကြောင်း၊ UWSA ၏ တုံ့ပြန်မှုကို ကြောက်ရွံ့သည့်အတွက် ယင်းရောင်းဝယ်ဖောက်ကားသူများက အခက်အခဲ အတားအဆီးများကို အလွယ်တကူ ဖြတ်ကျော်နိုင်ကြကြောင်း ပြောသည်။

ကုလသမဂ္ဂ မူးယစ်ဆေးဝါးနှင့် ရာဇဝတ်မှု ဆိုင်ရာရုံး၏ အထောက်အပံ့ဖြင့် ၁၀ စုနှစ် တခုကြာ မူးယစ်ဆေးဝါး တိုက်ဖျက်ရေး လုပ်ငန်းများကို လုပ်ဆောင်နေသော်လည်း မူးယစ်ဆေးဝါး စိုက်ပျိုးထုတ်လုပ်မှုသည် ပြည်နယ်အတွင်း ပိုမို များပြား လာကြောင်း ရှမ်းပြည်နယ် မူးယစ်ဆေးဝါးစောင့်ကြည့်ရေး ပြုလုပ်နေသည့် စာစောင်တစောင်က ဆိုသည်။

ရှမ်းပြည်နယ်တွင် တပ်ရင်းပေါင်း ၁၅၀ အထိ ထပ်မံတိုးချဲ့ထားသော်လည်း ပြည်နယ်ရှိ မြို့နယ် ၅၅ ခုအနက် ၄၆ မြို့နယ်တွင် ဘိန်းစိုက်ပျိုးမှု ပိုမို တိုးပွားလာကြောင်း၊ တလ လစာ ၂၀၀၀၀ ကျပ်ခန့် ၀င်ငွေရှိသော မြန်မာစစ်သားများအနေဖြင့် ဘိန်း စိုက်ပျိုးရေးလုပ်ငန်းမှ အကောက်အခွန်များ ရယူပြီး ထိုင်းနိုင်ငံအတွင်းသို့ မူးယစ်ဆေးဝါးများ တင်သွင်းသည့် လုပ်ငန်းများတွင် ပါဝင် ပတ်သက်မှုရှိနေကြောင်း ထိုင်းနိုင်ငံ မူးယစ်ဆေးဝါး ထိန်းချုပ်ရေး ဘုတ်အဖွဲ့က ဆိုသည်။

“ပလောင် အမျိုးသား ၈၀ ရာခိုင်နှုန်းလောက် ဘိန်းကို သုံးစွဲတယ်။ ၁၄ နှစ် ၁၅ နှစ်အထက် လူငယ်အားလုံးလိုလို စွဲနေတယ်” ဟု ပလောင်အမျိုးသမီး အစည်းအရုံးမှ လွေးအေးနန်းက ဆိုသည်။

ရှမ်းပြည်နယ်ရှိ မူးယစ်ဆေးဝါးကုန်ကူးမှုများတွင် စစ်တပ်မှ ပါဝင် ပတ်သက်မှုများနှင့် ပတ်သက်၍ မကြာသေးမီက ပလောင် အမျိုးသမီး အဖွဲ့က ထုတ်ဝေသည့် သတင်းမှတ်တမ်းတွင် ထောက်ပြထားသည်။

ကချင်ပြည် ဒီမိုကရေစီသစ် တပ်မတော် (NDAK) ၏ ခေါင်းဆောင်ဟောင်း ဦးဇခုန်တိန်ယိန်း ကလည်း ကချင်ပြည်နယ်တွင် တသီးပုဂ္ဂလ ကိုယ်စားလှယ်အဖြစ် ၀င်ရောက် ယှဉ်ပြိုင်မည် ဖြစ်ကြောင်း၊ မြန်မာနိုင်ငံတွင် ကချင်ပြည်နယ်သည် ဘိန်းသုံးစွဲမှု အမြင့်မားဆုံး ပြည်နယ်ဖြစ်ကြောင်း ကချင် သတင်းဌာန၏ အယ်ဒီတာ လဖိုင် နော်ဒင်းက ဆိုသည်။

“ရွှေမှော်၊ ကျောက်မှော် သစ်ထုတ်လုပ်ရေးမှာ လုပ်တဲ့လူတိုင်းက ဘိန်းကို သုံးစွဲကြတယ်။ ဘိန်းစားတာက အောက်ပြည်မှာ ကွမ်းဝါးသလိုပဲ ယဉ်ကျေးမှု တရပ်လို ဖြစ်လာတယ်” ဟု ၎င်းက ပြောသည်။

၂၀၀၄ ခုနှစ် နောက်ပိုင်း ကချင်ပြည်နယ်၏ ပညာတတ်များ မွေးထုတ်ရာ မြစ်ကြီးနား တက္ကသိုလ်တွင် ဘိန်းကို လွတ်လပ်စွာ ၀ယ်ယူနိုင်ကြောင်း၊ မူးယစ်ဆေးစွဲနေသည့် ကျောင်းသား ၃၀၀၀ ခန့် ရှိနေကြောင်း ကချင်ပြည်နယ်ရှိ ဘာသာရေး အဖွဲ့အစည်းများက ခန့်မှန်းထားသည်ဟု သိရသည်။

“၂၀၀၄ ခုနှစ် နောက်ပိုင်းမှာ ပြင်သစ်နိုင်ငံ အခြေစိုက် နယ်စည်းမခြား ဆရာဝန်များအဖွဲ့က မြစ်ကြီးနားတက္ကသိုလ်ရဲ့ အိမ်သာတွေထဲမှာ ဘိန်းထိုးပြီးတဲ့ ဆေးထိုးအပ်တွေကို ထည့်ဖို့ နေရာလေးတွေ စီစဉ်ပေးတယ်။ အဲဒီလောက်အထိ အခြေအနေ ဆိုးရွား လာတယ်” ဟု လဖိုင် နော်ဒင်းက ဆိုသည်။

တိုင်းရင်းသားလက်နက်ကိုင်များအနေဖြင့် စစ်အစိုးရကို ပြန်လည်တိုက်ခိုက်ရန်အတွက် လက်နက်များ ၀ယ်ယူနိုင်ရန် မူးယစ်ဆေးဝါးရောင်းဝယ် ဖောက်ကားမှုတွင် ပါဝင်လာကြောင်းလည်း သိရသည်။

ဧရာဝတီ သတင်းထောက် ဘစောတင်နှင့် ဆိုင်မွန်ရောက်ဂ်နင်း တို့ပူးပေါင်းပေးပို့သည်။

နိုင်ငံရေးသမား စစ်စစ်ကို မဲပေးပါ

“ပြည်သူတွေရဲ့ ဒုက္ခဟာ ကျနော့် ဒုက္ခပါ” ဆိုသည့် ရွေးကောက်ပွဲ မဲဆွယ်ဆောင်ပုဒ်ကို အ၀ါရောင် နောက်ခံ ပိုစတာပေါ်တွင် ဒီမိုကရက်တစ် ပါတီ (မြန်မာ) ခေါင်းဆောင် ဦးသုဝေ၏ ဓာတ်ပုံနှင့်အတူ လမ်းမပေါ် ရပ်ထားသော ကားတစီး၏ ဘော်ဒီဘေးတွင် ချိတ်ဆွဲထားသည်ကို တွေ့ရမည် ဖြစ်သည်။

၁၉၉၀ ရွေးကောက်ပွဲကာလ နောက်ပိုင်းတွင် ဤကဲ့သို့သော မြင်ကွင်းမျိုးသည် မြန်မာပြည်သူများအတွက် ထူးထူးခြားခြား ဖြစ်နေမည်မှာ အမှန်ပင်။ မကြာသေးခင်မှစပြီး နိုင်ငံရေးပါတီများ၏ လှုပ်ရှားမှုများသည် ပြည်သူများအကြား လမ်းမများပေါ်တွင် ပို၍ မြင်တွေ့လာရသည်။

ပါလီမန် ဒီမိုကရေစီခေတ်မှ ၀န်ကြီးချုပ်နှင့် ၀န်ကြီးများ၏ သမီး ၃ ဦး ခေါင်းဆောင်ပါဝင်သော ဒီမိုကရက်တစ် ပါတီ (မြန်မာ) သည် ပြည်သူလူထု၏ အာရုံစိုက်မှုကို အထိုက်အလျောက်ရရှိနေသော ပါတီဖြစ်ပြီး ပါတီမှ ကိုယ်စားလှယ်လောင်းများ ယှဉ်ပြိုင် အရွေးချယ်ခံမည့် မဲဆန္ဒနယ်များတွင် မဲဆွယ်စည်းရုံးရေး လုပ်ငန်းများကို အရှိန်မြှင့် ဆောင်ရွက်နေသည်။

မကြာသေးခင်က စစ်အစိုးရသည် နိုင်ငံရေးပါတီအားလုံးကို နိုင်ငံပိုင် ရုပ်မြင်သံကြား၊ ရေဒီယိုနှင့် သတင်းစာများတွင် ၎င်းတို့၏ မူဝါဒ၊ သဘောထားနှင့် လုပ်ငန်းစဉ်များကို ကြေညာခွင့်ပေးခဲ့သည်။ ဦးသုဝေသည် ဒီမိုကရက်တစ် ပါတီ  (မြန်မာ) ၏ မဲဆွယ်စည်းရုံးရေး ဟောပြောချက်ကို စက်တင်ဘာလ ၂၆ ရက်နေ့တွင် ရုပ်သံအစီအစဉ်မှ ဟောပြောသွားသည်။

ဤသို့ ဟောပြောခွင့်ရသည်မှာ ဦးသုဝေအတွက် နှစ်ပေါင်း ၂၀ အတွင်း ဒုတိယအကြိမ် ဖြစ်သည်။ ၁၉၉၀ ရွေးကောက်ပွဲ ကာလက ဒီမိုကရေစီပါတီ အနေဖြင့် ပထမအကြိမ် ဟောပြောခဲ့ဖူးသည်။

ဒီမိုကရက်တစ်ပါတီ  (မြန်မာ) အထွေထွေ အတွင်းရေးမှူးချုပ် ဒေါ်သန်းသန်းနုက “၁၉၉၀ ရွေးကောက်ပွဲတုန်းက နိုင်ငံရေး ပါတီတွေအနေနဲ့ ရေဒီယိုတို့ ရုပ်မြင်သံကြားတို့မှာ အခုထက်ပိုပြီး လွတ်လွတ်လပ်လပ် ပြောဆိုခွင့်ရခဲ့တယ်” ဟု ဧရာဝတီသို့ ပြောသည်။

လေ့လာသူများက နိုင်ငံရေးပါတီများအနေဖြင့် ပြည်သူလူထုနှင့် တိုက်ရိုက်ထိတွေ့ စည်းရုံးခြင်းက ပို၍ထိရောက်သော မဲဆွယ်နည်း ဖြစ်လိမ့်မည်ဟု သုံးသပ်ကြသည်။

မကြာသေးခင်က စစ်အစိုးရ ဗိုလ်ချုပ်ကြီးများသည် စစ်ယူနီဖောင်များကို ချွတ်ကာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ကို ထူထောင်ပြီး ရွေးကောက်ပွဲကို လွှမ်းမိုးနိုင်ရန် ကြိုးစားလာသော အခြေအနေတွင် ဒီမိုကရက်တစ် ပါတီ  (မြန်မာ) ၏ နောက်ဆောင်ပုဒ်တခုမှာ “ဒီမိုကရေစီစစ်စစ်ကို လိုချင်ရင်၊ နိုင်ငံရေးသမား စစ်စစ်ကို မဲပေးပါ” ဟူ၍ ဖြစ်သည်။

မဲမပေးရေး စာဖြန့်သည့် ကျောင်းသားများကို ဖမ်း

ရွေးကောက်ပွဲ မဲမပေးရေး ဆိုင်ရာ စာရွက် စာတမ်းများ ဖြန့်ဝေခဲ့ကြသော ကျောင်းသား ၁၁ ဦးကို နအဖ စစ်အစိုးရက ဖမ်းဆီး ခဲ့ကြောင်း ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသများ အဖွဲ့ချုပ်) က ယနေ့ ပြောဆိုလိုက်သည်။

ပြီးခဲ့သော တပတ်က ရွေးကောက်ပွဲတွင် မပေးဘဲ နေခွင့်ရှိသည်ဆိုသော စာတမ်းများ ဖြန့်ဝေမှုကြောင့် စစ်အစိုးရက ဒဂုံ တက္ကသိုလ်နှင့် မှော်ဘီ နည်းပညာ တက္ကသိုလ်တို့မှ ကျောင်းသားများကို ဖမ်းဆီးခဲ့ကြောင်း ရန်ကုန်မြို့ရှိ ဗကသများ အဖွဲ့ချုပ် ပြောရေးဆိုခွင့်ရှိသူ ကိုဇာနည်က ဧရာဝတီသို့ ပြောသည်။

“ပထမ ၅ ယောက် ဖမ်းတယ်။ နောက်ထပ် ၃ ရက်လောက်မှာ ၆ ယောက် ထပ်ဖမ်းတယ်။ ပထမ ၅ ယောက်ထဲက ၁ ယောက်၊ ဒုတိယအသုတ် ၆ ယောက်ထဲက ၄ ယောက်ကို ပြန်လွှတ်ပေးလိုက်တယ်” ဟု ကိုဇာနည်က ဆိုသည်။

ကျောင်းသားများ ဖမ်းဆီးခံရမှုနှင့် စပ်လျဉ်း၍ ၄င်းအနေဖြင့် မသိပါဟူ၍ ဒဂုံတက္ကသိုလ် ပါမောက္ခချုပ် ဦးစန်းက ပြောဆိုခဲ့ သော်လည်း ဒဂုံတက္ကသိုလ်မှ ဆရာတဦးကမူ ကျောင်းသားများကို အာဏာပိုင်များက ဖမ်းဆီး ထိန်းသိမ်းခဲ့ပြီး တချို့ကို မကြာမီက ပြန်လွှတ်ပေးခဲ့သည်ဟု ပြောသည်။

ကိုဇာနည်က “ကြံ့ဖွံ့ (ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ) ကို မဲပေးရင် သံဃာတွေကို သတ်ဦးမှာပဲ၊ ကြံ့ဖွံ့ကို မဲပေးရင် ပြည်သူတွေကို သတ်ဦးမှာပဲ အစရှိတဲ့ စာတွေပါတယ်။ အဲဒါမျိုးတွေရယ် နောက်ပြီး မဲမပေးဘဲလည်း နေနိုင်တယ် စတဲ့ အဓိက မဲမပေးရေးကို ဇောင်းပေးတဲ့ စာသားမျိုးတွေပါတဲ့ လက်ကမ်းစာစောင်တွေ ဝေတာပါ”ဟု ဆိုသည်။

ယနေ့ ထုတ်ပြန်လိုက်သော ဗကသများအဖွဲ့ချုပ်၏ ကြေညာချက်တွင် နအဖစစ်အစိုးရ၏ ရွေးကောက်ပွဲဥပဒေ အခန်း ၁၊ အပိုဒ် ၃ (ဎ) ဥပဒေပါ “ရွေးကောက်ပွဲတွင် မဲမပေးနိုင်သော အခွင့်အရေး သို့မဟုတ် မဲပေးခြင်းမပြုဘဲ နေနိုင်သော အခွင့် အရေးကို ဆိုသည်” ဟူသော ပြဌာန်းချက်ကို ပြန်လည်ထောက်ပြထားပြီး ၂၀၁၀ ရွေးကောက်ပွဲတွင် မဲမပေးဘဲနေနိုင်ကြောင်း စာရွက် ဖြန့်ဝေခဲ့သည့် ကျောင်းသားများကို မတရား ဖမ်းဆီးထားသည့်အပေါ် အပြင်းအထန် ရှုတ်ချကြောင်းနှင့် ကျောင်းသား လူငယ် များက တိုးမြှင့် တိုက်ပွဲဝင်သွားမည်ဖြစ်ကြောင်း ဖော်ပြထားသည်။

ဆက်လက် အဖမ်းခံထားရသူမှာ သာထူးအောင်၊ ဇင်မင်းထက်၊ ကျော်သီဟ၊ ဇာနည်လင်း၊ ကျော်သူစိုးနှင့် ရဲလင်းဖြိုးတို့ ဖြစ်ပြီး အသက် ၁၉ နှစ်မှ ၂၄ နှစ် အရွယ်များရှိ၍ မြောက်ဥက္ကလာပမြို့နယ်တွင် နေထိုင်သူများဖြစ်ကြောင်း ထုတ်ပြန်ချက်တွင် ဖော်ပြ ထားသည်။

စစ်အစိုးရက ၂၀၁၀ ရွေးကောက်ပွဲနှင့် သက်ဆိုင်သော ဥပဒေ ပုဒ်မ ၃ အရ တားမြစ်ချက်များကို မည်သူမဆို ဖောက်ဖျက် ကျူးလွန်၍ ပြစ်မှုထင်ရှားပါက ထောင်ဒဏ် အနည်းဆုံး ၅ နှစ်မှ အနှစ်၂၀ အပြင် ငွေဒဏ်ပါ ချမှတ်နိုင်ကြောင်း ပြီးခဲ့သည့် သြဂုတ်လ ၄ ရက်နေ့ထုတ် အစိုးရသတင်းစာ ဆောင်းပါးတပုဒ်တွင် ရေးသားထားသည်။

ယင်း ဥပဒေ ပုဒ်မ ၃ သည် နိုင်ငံတော် တာဝန်ကို တည်ငြိမ်အေးချမ်းစွာ စနစ်တကျ လွှဲပြောင်းပေးရေး၊ အမျိုးသား ညီလာခံ
လုပ်ငန်းများ အောင်မြင်စွာ ဆောင်ရွက်ရေးတို့ကို နှောင့်ယှက် ဆန့်ကျင်ခြင်းမှ ကာကွယ်သော ဥပဒေတရပ်ဖြစ်ကြောင်း ဥပဒေ လေ့လာသူတဦး အမည်ခံ ဆောင်းပါးရှင်က ဆိုသည်။

နိုင်ငံရေး အကျဉ်းသားများ ကူညီစောင့်ရှောက်ရေး အသင်း၏ စာရင်းများ အရ မြန်မာတနိုင်ငံလုံးရှိ အကျဉ်းထောင်များအတွင်း ကျောင်းသား အကျဉ်းသားပေါင်း ၂၈၂ ဦး ရှိနေသေးကြောင်း သိရသည်။

ဧရာဝတီ သတင်းထောက် သန်းထိုက်ဦးနှင့် မင်းနိုင်သူ ပူးပေါင်း ရေးသားသည်။

Follow

Get every new post delivered to your Inbox.

Join 27 other followers